陳豪放生陳茵媺拍劇

更新時間 (HKT): 2021.02.19 02:00
■陳豪昨日應要求除下口罩拍照,拍畢後就即戴回口罩。

陳豪、宣萱、羅子溢及洪永城等昨日到將軍澳為新劇宣傳,席間舞龍舞獅更大玩接金牛遊戲。陳豪透露將會放生太太陳茵媺拍劇:「其實佢一直好鍾意拍戲,佢出嚟再拍我一定支持,都係我唔好,拉住佢為我生小朋友,𠵱家仔女大咗,可以畀佢繼續追夢。」

洪永城爆原名羅仲謙的羅子溢改名因想人叫他「一哥」,羅子溢說:「唔係,因為幫個女改名時師傅話我同老婆都改埋對一家人更好,咁之前喺內地拍戲時,工作人員嗌我溢哥,個音就好似叫一哥咁,我覺得個名改得唔錯。」羅子溢說返內地工作三個月,回來第一天女兒竟不認得他。提起再追B,羅子溢透露與太太都認為隨緣就好,仔女沒所謂,最重要想女兒多個伴。

娛聞樂陪你走遍全球追星,即Like「娛果」FB 專頁!
BannerBanner