梁朝偉18年後再同劉德華合作感親切 亦正亦邪鬥文戲

更新時間 (HKT): 2021.02.20 17:57

梁朝偉和劉德華繼《無間道III》後,相隔18年再度合作,以反貪為題材的新戲《金手指》,今日在尖沙嘴舉行電影發佈會,同場還有任達華、蔡卓妍、方中信、錢嘉樂、姜皓文、周家怡、陳家樂、洪卓立等。戲院獲政府放寬重開,院商對防疫措施十分嚴謹,除了要掃瞄「安心出行」或填寫個人資格、量度體溫外,會場更特設「智能測溫消毒通道」,而在場每位記者可獲派快速測試包。

英皇老闆楊受成、導演及編劇莊文強、監製黃斌、梁朝偉、劉德華、蔡卓妍(阿Sa)、任達華、方中信在台上進行打手印儀式,但當中只有華仔戴上外科口罩,其他人則戴透明口罩。楊受成透露今次投資了3億5千萬港元,而莊文強則指故事為7、80年代為背景,提到怎樣打動劉德華和梁朝偉,莊文強說:「打畀佢哋傾下,約出嚟見吓面。」偉仔和華仔都指被故事吸引,偉仔更說:「同大家再合作,感覺好親切,尤其係同華仔,由電視合作到電影。」阿Sa首次與偉仔合作,她笑言:「想俾佢嘅電眼電親。」

亦敵亦友 亦正亦邪

提到偉仔與華仔相距18年再合作,偉仔說:「演員同演員之間,係經過好多次合作先有默契,但我哋仲未拍到我哋啲戲,我覺得會同以前一樣,會好好玩,好期待。」華仔則說:「我一收到劇本,睇完就覺得我對手應該係梁朝偉,果然係佢,別無他選。」問到兩人在戲中的角色,莊文強表示不能透露,只能說:「亦敵亦友,亦正亦邪。」偉仔說:「其實今次算係《無間道》嘅調番轉,文戲多啲,總之劇力萬鈞。我平時好少同同事見面,我一直好佩服華仔,覺得佢好用心,我一直有睇華仔啲戲,我覺得有嗰份熱誠,由第一次合作《獵鷹》開始,呢樣嘢係佢一直都冇改變。」華仔笑說:「我都有留意大家嘅作品,我反而想跟佢(梁朝偉)學滑水。」

偉仔更透露完成《尚氣與十環幫傳奇》拍攝後,一直沒有休息:「因為疫情關係,搞到10月幾先返(香港),返到嚟就同莊文強研究呢部戲,(之後)我又返咗去上海同北京做宣傳,返到嚟就開始進入工作。」

劉德華望票房越來越好

年初七戲院獲放寬重開,當中劉德華的《拆彈專家2》首日上映單日票房收117萬港元,成為開畫兼單日票房冠軍,華仔說:「希望越嚟越好,今次開番戲院,係電影一個喜訊,而家我哋仲係50%(入座率),希望越嚟越好,好多戲因為疫情關係而延期,而家會有更多唔同嘅選擇,希望大家要好好保護自己去睇戲。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner