顏卓靈睇《狂舞派3》Making Of爆喊 鬧導演黃修平好癡線:stir up咗我咁多情緒

更新時間 (HKT): 2021.02.20 16:56

黃修平執導、顏卓靈、蔡瀚億(BabyJohn)、楊樂文、劉敬雯(Lydia)、Heyo和劉皓嵐演出的電影《狂舞派3》,於戲院停業78日後,終於可以在年初七上映,總算慰藉了一班「餓戲」多時的觀眾,女主角顏卓靈因目前仍在隔離中,所以連日來主力在網上出posts。顏卓靈今日更新了IG,她一口氣貼上數張爆喊的相片和短片,短片上,顏卓露的確喊得很厲害,她語帶激動地說 :「我啱啱睇完《狂舞派3》嘅Making Of,一講到初心呢,唔係佢,係我自己講到初心,令我諗番15、16歲嘅時候,我想講好癡線囉,Making Of都咁好睇,已經咁傷我嘅情緒,黃修平你好嘢呀!」

其後她再用文字補充,表示自己剛剛起床,看完花絮片段後,第一時間send她的反應相給黃修平:「但今次⋯⋯衝擊太大。所以我匆匆整理好亂髮後,錄咗條片。Swipe右到尾。(有啲lur。我係話:「即係已經會stir up咁多情緒」。)-介紹返,最近不斷弄哭我的人,《狂舞派3》編劇/導演——Sir. Adam Wong,黃修平先生。」

在花絮片段中,回憶了當年只有15歲的顏卓靈的試鏡片段,提到初心,她說:「根本冇人冇可能會唔遇到義利之爭,除非你係城堡入面嘅公主,每一小步嘅妥協有冇磨蝕你?佢有冇令你最終忘記咗自己?我會覺得暫時我仲記得自己嘅初心,只係偶爾會唔記得咗。」

顏卓靈今日回覆《蘋果》,問到過往發生了甚麼而令有所感觸,她說:「對跳舞嘅初心、對演戲嘅初心、對表演嘅初心,對做人嘅初心。我相信呢份感覺,只要打開個謙卑嘅心入場嘅觀眾,都會像我一樣徹底經歷到。相信我,《狂舞派3》帶畀大家嘅後勁,將會好大好大。只要你個心夠開,佢會帶領你走入一場自我打碎重組嘅旅程。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner