【娛樂人物】臨盆一刻最怕痛 韋羅莎孕育自由B

更新時間 (HKT): 2021.02.20 02:00
■現懷孕七個月的韋羅莎坦言至今仍未準備好做媽媽,但她卻堅拒做怪獸家長,讓子女自由成長。

韋羅莎與丈夫張銘耀去年10月宣佈收到上天的禮物,現懷孕七個月的她仍未準備好當媽媽的角色,每當幻想臨盆一刻的痛便會被嚇怕。即使如此,她已期待以父母培育自己的方法,讓小孩在自由中成長,堅拒做怪獸家長。

撰文:葉雪

在香港,「贏在起跑線」一句正正勾劃出父母及小朋友面對的競爭壓力,很多家長為小孩有能力在這種生活模式生存,由細到大鞭策成長,兼且過份保護。37歲舞台劇演員韋羅莎直認懷孕令她措手不及,性格緊張的她不斷提醒自己別太着緊。疫情下令很多工作停頓,韋羅莎閒來為自己紀錄懷孕的一刻,早前於柴灣影相集並接受《蘋果》訪問。演員出身的她對工作和美感要求甚高,在影樓內,工作人員為全裸的她裹上布疋,雖然間中感受到腹中小孩活躍,但仍然不斷跟工作人員商量細節。她雙手抱着隆起的孕肚,感受着當刻的痛楚,但仍溫柔地說:「踢得好急,可能飲咗奶茶,發現飲咗少少有咖啡嘅嘢就會興奮。」

未及準備當媽媽

懷孕七個月仍未習慣當媽媽,韋羅莎說:「未準備好,諗唔到形容自己做阿媽,對住BB講我係你媽媽,講出口嗰吓都覺得好怪。好多嘢都未計劃,BB床我都未買,𠵱家執緊屋清空位置放BB嘢,下個月先再算。」自我叮囑之餘,朋友也提醍她別過份緊張:「朋友話唔使太過多專注同期望,錯過咗BB第一次行路,仲有好多第一次,唔使覺得錯過咗,唔使畀壓力自己每分每秒喺佢身邊,其實做到就做。」她坦言幻想臨盆一刻的痛便嚇怕:「聽朋友講或者上網睇,都驚嗰種痛係點。我仲有睇書,講到前期身體變化、去到中期會點,臨生會遇乜問題,講到痛我就唔敢睇,覺得恐怖,驚嘅,話唔驚就假。」現時夫婦兩人沒有工作,丈夫可以24小時陪伴兼入產房。

產後唔做湊仔婆

韋羅莎直言要讓小孩自然成長,不會太苛求:「佢健康已係好大祝褔。冇諗要夾硬逼佢做啲乜,佢係一個人,有自由喜惡,冇理由因為我係父母,就必須要佢點樣做。細個父母任由我發展,只要係放個心想做就去做。」她希望產後在照顧小孩之餘,亦有自己事業,她說:「生完我繼續想做,始終我好鍾意自己嘅事業,唔會生咗就唔做只係湊B。」

娛聞樂陪你走遍全球追星,即Like「娛果」FB 專頁!
BannerBanner