陳家樂恨到同梁朝偉《無間道》式天台傾偈 心跳加速怯就輸一世

更新時間 (HKT): 2021.02.20 19:35

新戲《金手指》舉行的發佈會非常墟冚,除了擔正的劉德華、梁朝偉,還有任達華、方中信、姜皓文(黑仔)、陳家樂、周家怡、白只、太保、岑珈其、朱鑑然、胡子彤、林耀聲等。電影以7、80年代做背景,任達華透露4月會入組開工,方中信則說:「故事都幾特別,80年代同而家嘅社會氣氛係完全唔同,導演肯寫呢個劇本,喺咁艱難嘅情況下,都有老闆投資,因為所有景要搭過晒,真係幾用心去做。」

面對兩大影帝梁朝偉和劉德華,陳家樂坦言小鹿亂撞,他笑說:「我同梁生多啲戲,真係第一次見佢,有種心跳感覺,導演叫我千祈唔好驚,一驚就輸㗎喇!又唔係有壓力,係一種期待,我係睇住佢哋嘅電影一齊長大。」家樂指早前已在天台進行拜神儀式,他續說:「佢哋兩個行埋一邊對住咁傾偈,好有《無間道》感覺,我勁想影低呢個鏡頭,但我唔敢影。」

周家怡透露與劉德華的對手戲較多,但見到兩大影帝少不免會心跳加速,她笑言開工時能夠淡定一點。就連多次與劉德華拍檔的黑仔,亦謂感到很大壓力:「好開心可以同梁朝偉、劉德華合作,對住佢哋有唔同嘅演出方式,不過好大壓力,因為好少機會可以同呢啲cast演出,好興奮。」對於黑仔有份演出的電影《拆彈專家2》反應很好,他說:「大家都忍咗好耐,《拆彈專家》呢套戲都好特別,帶畀我喺香港同馬來西亞第一個獎。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner