張繼聰剃鬚Look同木村拓哉撞樣 DJ當奴傅珮嘉都話似

更新時間 (HKT): 2021.02.20 18:22

張繼聰與老婆謝安琪育有一對仔女,分別是現年13歲張瞻與3歲囡囡張靖,阿聰除了不時出招冧老婆,也勁冧囡囡,成日想錫錫,可惜不斷遭到拒絕,他在社交平台晒出一張剃了鬍鬚的照片,表示:「之前唔畀我錫,話啲鬍鬚好拮……得!今日完成工作之後,剃晒佢,諗住今次掂啦?點知依家又話唔錫得,因為冇鬍鬚好核突。我……真係壞過凱婷,不過都好嘅,起碼識諗計耍走啲男仔。」

隨後見謝安琪留言:「咁叻嘅小朋友,係咪似佢媽咪?」張繼聰則回覆笑說:「有冇人對我嘅鬍鬚表達過同情?」不過意外驚喜係不少網民留言,讚他貼出的一張用手掩嘴側面照,貌似日本萬人迷木村拓哉,連商台DJ當奴和傅珮嘉亦如是說,亦有網民搞笑留言:「我睇嚟睇去都係覺得似林峯」。

其實阿聰已經不止一次被指似日本藝人,之前有日本演員賀來賢人在劇集《上京痞子田中》中的爆炸頭宣傳照,連阿聰本人都認錯係自己,果然影相角度真係好重要,張繼聰都可以變木村和林峯。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner