施匡翹與余詠珊劃清界線 賣口乖期待參與曾志偉《奬門人》節目

更新時間 (HKT): 2021.02.22 15:06
施匡翹望上曾志偉的《獎門人》。

施匡翹今日在九龍灣為新歌《康復期》拍攝MV,並透露今次將夥拍一位韓國男模特兒,她笑言:「呢次真係夢想成真,可以做女主角滋味,因為我好鍾意睇韓劇,好鍾意南柱赫,我都被佢迷倒,因為我好鍾意單眼皮嘅男仔,如果太有型嘅,反而驚佢會花心。」

提到施匡翹是Big Big Channel的旗下藝人,她表示沒受影響,強調自己的唱片公司是臻世娛樂,但她說:「我好期待志偉哥(曾志偉)上任,因為我係志偉哥嘅超級fans,成日同屋企人一齊睇《奬門人》,如果之後再做《獎門人》,我可以上去做一集都已經覺得好幸福。」

問她可會擔心自己被定為余詠珊黨?施匡翹即說:「咁又唔會,我哋都係合作嘅關係,其實我都期待Herman(何哲圖)製作多啲新音樂。」談及有傳Herman另組公司,施匡翹表示:「未聯絡,其實佢都有大概同我交代,話會take care我哋,我都祝佢之後,無論音樂定公司都係做得好好。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner