林作接受隻揪挑機 
鍾培生:阿媽叫我唔好打死佢

更新時間 (HKT): 2021.02.22 02:00
■林作昨日宣佈應戰,更想𢱑健身打拳公司及保險贊助。互聯網圖片

林作日前寸百億富三代鍾培生做KOL豪派100萬,乃抄襲他早前「籌100萬請人」的概念,辣㷫鍾培生掟百萬向他下戰書挑機隻揪。林作前日表示「才子動口不動手」,建議對方來一場世紀辯論,不過昨午3時,他改變主義在fb宣佈應戰:「各位,本人正式宣佈:我接受挑戰。詳細資料需要和鐘(鍾)生夾下,請大家稍候。Let’s go. No pussy. 我從未龜縮過。打殘鍾培生計劃,由今日開始。」鍾培生不甘示弱,指林作寫錯其姓氏,寸嘴說:「我從來唔打女人,你將會係第一個,我會打到你記得我個鍾字點寫。Sign the fxxking contract. No bullshit let’s go!」雙方擬於今日簽生死約。

麥明詩鬧性別標籤

林作在帖文中將鍾培生經常掛在口邊的「No bullshit let go.」改成「Let’s go. No pussy(陰道)」,連前女友麥明詩都忍不住向他開火,在fb以英文鬧爆:「你哋兩個打還打,不要再貼性別標籤,陰道不比陽具弱。你們的母親生你養你比你們更有勇氣和力量,別再將軟弱和怯懦拉落女人身上。」網民讚好, 留言:「好彩你同佢分咗手。」其實之前她和麥爸爸都指期待這場賽事,又有指鍾培生為了追她而向林作挑機。

「裕美都想我俾人打」

林作昨日回覆《蘋果》指從沒想過龜縮︰「係啲網民想啫,只係我冇概念,連拳賽係乜都唔知。之前玩過純為keep fit,所以我係初哥。」他打算用三個月時間練習:「我踢開波水平高,我係業餘足球聯賽嘅『神射手』兼『最佳球員』,下盤好穩實、速度又快,好少輸。」對於鍾培生指「全香港人都想揼林作」,他表示榮幸:「大家咁睇得起我係一種讚譽,亦證明我身價,一場100萬,作為起步價我接受。」問到會怎樣用100萬?他說:「加重份人壽,畀邊個?愛我啲人囉。裕美都想我應戰,佢都想我俾人打,話最重要唔好打死。」

鍾培生說:「阿媽噚日好擔心,話叫我唔好打死佢,佢𠵱家念緊佛。」問到會否直播賽事?他說:「簽咗合約先,啲人online講話有賠率,如真有外圍要受埋我,鍾培生KO林作,100賠101,我都all in買我KO條X頭。」

娛聞樂陪你走遍全球追星,即Like「娛果」FB 專頁!
BannerBanner