林雅詩放棄愛情專心搞飲食 疫情下擔心在英國求學兒子

更新時間 (HKT): 2021.02.22 17:50

林雅詩(Grace)今日以健康產品大使身份,去到長沙灣出席宣傳活動。在活動上宣傳電解水機的Grace表示,她本身沒有喝水習慣,她說︰「我平時都唔鍾意飲水,連食藥都用可樂送,我好乖飲咗水半個月。」上月度過43歲生日的Grace,因疫情關係留在家中與朋友慶祝,至於生日願望,她希望覓得更多工作及身體健康。其15歲兒子因為在英國留學,只能與Grace視像祝賀。

對於英國肺炎疫情嚴重,Grace表示好擔心兒子安全,她說︰「雖則有視像聯絡,但感覺唔開心,因為唔可以見面擁抱。」對於兒子有否拍拖,林雅詩笑言希望兒子早些拍拖,多點見識。至於會否接受兒子有外籍女友,林雅詩則表示沒所謂。

與馬天樂分手的林雅詩,早前經朋友介紹相士為她指點迷津,Grace說︰「相士話我只可以喺愛情同事業之間二選其一,而家會選擇事業,嚟緊有意喺香港做飲食生意,而家租金平咗,想趁低吸納,考慮獨資經營唔使煩,如果做飲食生意,預計要投資6、7位數字。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner