張敬軒否認情變 避談關智斌新歡潘家鏗

更新時間 (HKT): 2021.02.22 22:15
張敬軒否認與Kenny情轉淡。

張敬軒今日在九龍灣參與廣告商的網上直播宣傳活動,他有近半年沒有在公開場合現身,笑言恍如隔世,他說:「呢半年主要『洗腸』,每日都食工人姐姐整白粥同麵包,佢有時都知我笑佢,我以為呢個係禮貌提醒,點知變本加厲,今日仲整壞咗我個煲,冇諗過個煲比我更快冧。」他更以「鬥命長」來形容主僕關係:「若個煲有生命,佢就係諗阿Sir我走先,你慢慢捱。」另一方面軒仔有稱讚工人姐姐整潔乾淨,有120分,廚藝除外。

自認有「好多種關係」

提到軒仔的密友關智斌(Kenny)早前被爆關係反覆,而Kenny被指與現年35歲靚仔董事潘家鏗(Edwin)出雙入對。言談間軒仔吐露和Kenny仍然友好:「我哋前幾日喺公司大圍團年飯見過面,而家啲爆相爆片有500元,早知我爆啦!我爆啲獨家猛料,諗吓先。」

軒仔對Edwin避而不談:「我哋身邊咁多朋友點會全部識得,娛樂新聞睇完得啖笑,好似睇緊我姐姐(家傭)咁,最緊要大家生活愉快,身體健康。」有指軒仔與Kenny感情轉淡,令人乘虛而入,軒仔反問:「何來淡咗呢?我哋有好多種關係,喺公司係同事,私下係出生入死嘅戰友,大家最近都有互相傾吓工作,又會一齊做吓音樂。」

餐廳獲熟客支持

另外,軒仔在灣仔經營食店,近日政府放寬政策,讓餐廳可以晚巿重開,他指自己和大眾一樣生意受影響:「好彩之前lunch生意唔錯,呢兩日開返晚市亦有好多熟客支持。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner