三億駙馬袁偉豪呻壓力大 陳山聰勸放低固執:行動證明一切

更新時間 (HKT): 2021.02.22 18:47

39歲「底褲大王」三億駙馬袁偉豪上月被嘲「走樣」膠面,又傳女家付4千萬首期作為新婚禮物,袁偉豪日前在社交網忽然發火,稱他婚後走樣是因為身體狀况時好時差,又嬲爆叫網民「繼續話我食軟飯、一味靠黐,做戲好屎」。這個心結,底褲大王女婿仍未解開!

早前獲麥玲玲及林盛斌(Bob)邀請上清談節目《師父有請》,有袁偉豪、陳山聰、姚子羚和謝東閔接受訪問,袁偉豪原來頗迷信,他在節目指以前有個問米婆婆指他前世得罪人,所以遮了半塊面,因此他出道10年,當時事業仍未有起色,最終他向天唸對方的名字叩頭道歉1千次,終於有機會入TVB,事業運轉好。

麥玲玲稱做藝人有時接受不到貧富懸殊差距,更開名稱陳伶俐首次到丈夫劉頌銘的豪宅,即嚇到走出家門嗌分手。而姚子羚則稱以前試過跟一個有錢人拍拖,他的家門外有兩個保安,一入屋就有人叫他做少爺,屋企仲有𨋢,不過姚子羚就認為間屋太大,反而內心會覺得空虛,好似要找媽咪都要打電話,她反而喜歡屋企感覺溫暖些。

而袁偉豪直認跟有錢女張寶兒相戀後,面對很大壓力,袁偉豪坦言介意別人評頭品足:「其實我唔睇嗰啲報道真係冇事,但係睇完反而唔開心,入到外父屋企有咩好驚?睇完報道後就會唔舒服,點解要咁講我?」

他強調自己是無意在手機看報道:「因為我性格好硬頸,咩都駁嘴,耐唔耐就會出聲,我有我自己睇法,你哋覺得係咪係,講真!層樓我唔使供咩?我都要搵錢,我都要keep好個樣,但就俾你班人話『膠面』、『醜男』?」袁偉豪稱斥資超過六千萬購入清水灣豪宅王傲瀧是外父主導,建議他去買樓,只是用幾日計計數,加上袁偉豪硬頸又大膽嘅個性就作出決定。

不過袁偉豪指未有因外界閒言閒語影響到他跟老婆張寶兒的感情,他又稱張寶兒的父母願意將寶貝女交託給他,是因為欣賞他做循序漸進,慢慢捱出頭,「覺得只得我可以治到寶兒」。

陳山聰身為好友兼過來人,曾於2011年跟何家千金何超雲拍拖,被網民封為「世紀賤男」形象插水,陳山聰稱有安慰袁偉豪,亦有將自己的往事,跟袁偉豪分享,陳山聰稱經歷這些事才令自己成長,「感恩遇過呢件事,喺1千萬人都未必會遇到一次,唔係淨係我揀,咁人哋都會揀吖嘛!好多嘢經歷,當時封面多到好誇張,爸媽都好唔開心。點去瓦解呢啲負面新聞,就係面對佢,最唔開心係令到屋企人唔開心,到今日我可以面對自己,有仔、有好老婆,家人好安慰。」陳山聰都勸導袁偉豪放下固執,努力用行動證明一切。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner