倪晨曦爆乖仔百日自動戒夜奶 唞兩年再追B

更新時間 (HKT): 2021.02.22 23:06
(左:IG圖片)

靚媽倪晨曦(Elva)今日到九龍灣與張敬軒及陳柏宇等一起出席活動,去年11月誕下愛子Virgil的Elva,早前為BB舉辦百日宴慶祝,小Virgil樣子精靈可愛,而Elva亦已火速成功收身,今日出席活動時身穿貼身裙狀態回復,她說:「BB過咗100日竟然自動戒咗夜奶,可以一覺訓天光,令我輕鬆好多。」Elva產後正式復工,但初為人母十分捨不得BB,工作期間一有空閒便會開啟家中鏡頭嗌BB。

對於Virgil盡得媽媽真傳,網民大讚靚仔,Elva說:「覺得BB個樣似我多啲,可能大個又會唔同似爸爸。」Elva和老公有共識再生B,但想休息2年再努力:「生完BB係好攰,唔係大家所諗咁輕鬆,同埋生活完全唔同要適應,瘦身都唔容易,飲食、運動、大家睇唔到嘅背後有好多,但做藝人對自己要求高,冇得鬆懈,我都好想快啲回復以前狀態,仲差4、5磅左右。」

陳柏宇對破冰未有實感

另外,提到曾志偉早前回巢無綫,並掌管音樂及綜藝部門,迅即和三大唱片公司破冰,陳柏宇( Jason )間中也有上大台演出,未感受到很大變化。對於歌手可以爭取多個平台宣傳,他認同但又戥其他唱片公司藝人慘:「如果調返轉嚟講,對於星夢一班歌手好似仲慘啲喎,因為佢哋呢幾年都冇得去其他頒獎禮。」

陳柏宇的女兒Abigail近日經常向男生獻吻:「佢經常周圍錫人,每日起床、瞓覺、我返到屋企都會同佢錫錫,係一個愛嘅表達,不過遲啲返學就唔會,而家仲係童言無忌。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner