莉莉菇做空姐被癡客纏身靠同事走甩 做記者遇狂迷求購「原味」鞋

更新時間 (HKT): 2021.02.23 06:00

外號「莉莉菇」的生活科技資訊網站女記者最近大受連登巴打歡迎,讚她靚女兼夾GFable(做女朋友嘅好人選)。「莉莉菇」原名林靜莉(Jeannie),今年踏入25歲,是1979年港姐季軍鍾慧冰獨生女。

Jeannie日前接受《蘋果》專訪,她直言沒有想過自己能夠成為「連登女神」,亦不認同自己GFable,她笑說:「老實講,我唔想靠樣搵食,可能係太唔了解我,但我好開心嘅,多謝大家欣賞我。我心目中嘅GFable係好溫柔、好氹得人,但我就外向啲、活潑啲,唔係溫柔路線。」

Jeannie笑言曾收過網民的瘋狂留言,她說:「曾經有個人想要我着過嘅鞋,然後畀返錢我,我ignore咗佢。亦都試過有人出錢,叫我出去陪佢兩個鐘,佢冇話要做啲咩,我都係ignore咗佢。」

做完空姐做記者

修讀新聞系的Jeannie,畢業後加入港龍做空姐半年,及後轉戰生活科技資訊網站。Jeannie表示當初做空姐純粹不想做一份穩定的full time,又可以周圍飛,於是決定做空姐,「做咗超過半年,我發現工作性質都係一樣。我份人好有好奇心,好想試新嘢,之後有朋友叫我試吓做記者,我就做咗記者。」

好多人對空姐行業都會「心心眼」,Jeannie表示曾遇過瘋狂乘客,「有個大約40歲嘅男人係咁按鐘,又話要可樂,又話要冰,好多問題,然後又話想喺回程班機,一定要搵返我買化妝品,又問我攞電話。佢窮追不捨,到落機,佢坐喺度唔肯走,話要同我合照,影完佢就走;到我哋落機,原來佢企喺度等我,最後要我班空姐朋友圍住我衝住走,唔畀佢見到我。」對於港龍結業倒閉,Jeannie坦言感到很可惜,希望航空界能快點復蘇,舊同事快點找到工作。

不斷求新的Jeannie棄空姐轉做記者已一年多,以外號「莉莉菇」介紹新科技產品,Jeannie自爆自己的稱號原先叫「Peter仔」,勝在易記又貼地,但她的老闆要求她轉換一個女性一點的名字,於是就叫「莉莉菇」。

唔想被人話靠阿媽

除了做記者,Jeannie亦在香港開電視主持兒童節目及美食節目,她表示很喜歡演戲及主持工作,為她帶來很大的滿足感,希望將來繼續在這個界別發展。Jeannie笑指兒時常戴媽咪的后冠,但原來她不想外界知道自己是鍾慧冰的女兒,她說:「我朋友嚟我屋企,我會將后冠、媽咪啲相、明星合照全部收埋,但媽咪可以喺屋企。」

為何要將媽咪的身份秘而不宣?Jeannie解釋:「老實講,媽咪退出幕前好耐,我啲朋友未必識佢,只係我一啲好朋友先知道,因為我好驚自己嘅努力,憑一句『你媽咪係邊個邊個』就抹殺晒,我喺香港開電視主持節目,其實係大學教授搵我。不過人大咗,諗法唔同,我好驕傲我媽咪係鍾慧冰。」雖然經常戴媽咪的后冠,但Jeannie始終都沒有參加香港小姐,她指自己是一個頗自卑的人,談不上美貌與智慧並重,而且又因為五音不全,所以沒有參加ViuTV的《全民造星》。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner