譚小環「渣哥」創始店結業 王宗堯再客串店員:仲記得執幾多嘢

更新時間 (HKT): 2021.02.23 17:15

譚小環老公、「渣哥」蔡強榮7年前在銅鑼灣開設港式小食店,這間店可算是生於亂世,先後經歷2014年雨傘運動及2019年反送中運動,亦見證無數次抗爭遊行,一直默默支持手足學生,今日由於租約期滿不再續約而結束營業。

顧客爭相集郵留念

渣哥、小環和王宗堯今日在小食店落力招呼顧客,有些客人特別前來幫襯,更要求與他們合照留念,曾擔任過店長的宗堯被小環大讚很熟手,宗堯笑說:「價錢、執幾多嘢,我大概都仲記得。」

小環表示她的首個「BB」,雖然店舖今日光榮結業,但若員工如想留任,她將安排員工到九龍灣或者東涌嘅分店,小環謂十分感觸:「由2014年經歷咗幾個階段,係好難忘嘅回憶,亦係我哋嘅轉捩點,開頭幾個人諗住玩玩吓,點知而家以『渣哥』為主,係一個意外嘅收穫,所以今日係營業嘅最後一日,真係好唔捨得。有啲熟客都話之後都唔知去邊度食腸粉,因為佢哋習慣咗買嘢返公司食早餐。」她笑指會把湯杓帶回家留念。渣哥表示如有合適的舖頭都會再開,又指小食店招牌將暫存貨倉。

難頂開業綠Tee

至於宗堯對這間小食店都充滿濃厚感情:「因為我係街坊,所以係無間斷落嚟幫襯,加上試過同佢哋去維園開過年宵。」小環指與宗堯的緣份,是由這間小食店開始。3人說起7年前開店的一天,渣哥笑說:「今朝我哋搵返7年前開張嗰件綠色『渣哥』T裇,我哋想着返嚟,但頂唔順,好核突,因為係我設計。」小環笑謂:「嗰時真係好求其,乜都唔識。」無意間發現一位元老級員工,正正穿着那件綠色『渣哥』T裇,渣哥開玩笑說:「呢啲係鄧達智級數嘅design。」他們和員工們最後在小食店影大合照。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner