原子鏸年初五順產誕5磅混血男B:同老公開心到喊

更新時間 (HKT): 2021.02.23 13:08

原子鏸跟摩洛哥籍老公Mehdi El Ajimi早前在IG宣佈懷孕,原定預產期為下月,原子鏸今早在IG公佈於年初五(16日)順產誕下男B。原子鏸更分享兩張B相,只見混血BB有超深雙眼皮,眼仔碌碌十分可愛。原子鏸以英語表示自己原定在月中到醫院做產檢,當時懷孕接近38周,但結果BB卻在當天出世。

原子鏸透露BB英文名叫Matys El Ajimi,重2.27kg(約5磅) ,「言語無法表達我有多麼愛我的美麗男嬰」。

原子鏸今日接受《蘋果》訪問時,表示在今個月16日到診所做產檢,由於在產檢時出現宮縮情況,要即刻入醫院。BB較預產期早出世,因此新手媽媽原子鏸最初十分擔心,「咁梗係有少少擔心啦,BB咁細個,不過出世幾日後,我開始多咗信心,餵奶亦冇咁驚」。原子鏸透露最初醫生告知BB胎位不正,背脊一直對住她,要等轉身才可以自然分娩,好彩BB最後有轉身,可以順產出世。她說:「覺得自己好lucky,因為我出世嗰陣都係順產。」

當BB出世後,原子鏸和老公都喜極而泣,她又指BB越大越似爸爸,「BB初出世都有啲似中國人樣,但越大越似爸爸,眼好大隻,鼻都好高。我哋都好愛佢,每一日望住BB都感到難以置信」。問到婆婆鄭佩佩抱孫的反應時,Marsha笑言:「佢好excited,我入院一個鐘,佢同Jennifer(胞姊原和珍)就不斷message我老公,問BB出嚟未!」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner