譚耀文游繩爬通風管鎅血痕 張建聲埋身肉搏再傷手指嗌苦

更新時間 (HKT): 2021.02.23 17:16

譚耀文、張繼聰、栢天男、張建聲在新片《逃獄兄弟》中,主要講述4人合作逃獄,其中有場譚耀文與張繼聰、張建聲用游繩於通風管展開逃獄行動,爬走通風管時卻發生爭執,礙於管內有凹凸不平的鋁片接駁位,拍攝完成後,譚耀文發現右手肘鎅出三條血痕,張建聲亦割傷手指。

配合逃獄劇情,劇組搭建一條長十幾米闊約一米的通風管,譚耀文說:「條管睇就好闊,但入到去拍就發覺空間唔多,管同管之間有啲小鋒利接駁位,一快爬就割傷,不過其實都幾好玩,好似去咗主題公園咁。」張繼聰就覺得爬通風管很消耗體力,管內空氣又不流通,慶幸拍攝當日氣溫急降,他說:「爬來爬去都好過拍成日打戲,或者喺廿幾樓跳落去,譚哥、阿聲比較辛苦,爬管前仲要拍監倉打交戲。」

張建聲直言在監倉單挑埋身肉搏五小時非常辛苦,「拍同譚哥監倉打時有啲撞傷,到拍通風管又割損手,不過無所謂啦!最緊要拍出嚟好好睇,好似阿聰所講,天氣轉冷拍起嚟唔算太辛苦。」尾段還有幕譚耀文爬出坑渠,他笑說:「劇組特別搵咗個唔臭同比較乾淨嘅渠,衛生無問題,拍得好順利。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner