周國賢《一秒拳王》下月在港上映 入圍芝加哥亞洲躍動電影節

更新時間 (HKT): 2021.02.23 19:27

香港戲院在年初七重開,餓戲近3個月的觀眾,早前以「報復式」買飛入場睇戲,復業首日總票房超過300萬。當日推出優先場的《一秒拳王》,備受戲迷追捧,多場都爆滿。《一》片導演、ToNick主音趙善恆感謝觀眾支持之餘,他同時透露電影已獲邀參展今屆美國芝加哥亞洲躍動電影節,並安排下月11日在香港上映。

主角周國賢對獲邀參加影展表示高興,他留意到網民經常詢問上映日期︰「辛苦大家等咗咁耐,我自己亦都等咗好耐。希望大家終於可以感受到我哋團隊辛苦製作出嚟嘅成果!無論點都好,都要注意身體健康。加油!」首次執導就遇上世紀疫症的趙善恆亦感觸良多,他說︰「幾經波折,《一秒拳王》終於可以喺戲院上映同大家見面。無論有多艱難同痛苦嘅情況,我都依然相信每一個人都擁有改變將來嘅一秒能力,《一秒拳王》需要大家的支持,希望大家會入場欣賞呢部充滿誠意嘅香港電影。」

《一》片故事講述廢中周國賢終日流連酒吧避債,兒子對他已毫無寄望。因為他有一秒預知能力,拳館館主趙善恆發掘他成為拳手。從未認真做事的周國賢,在擂台上贏回尊嚴,兒子及女友對他寄滿希望。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner