曾志偉變唱片公司高層 同場王敏奕賣口乖:我鍾意叫佢老爺

更新時間 (HKT): 2021.02.24 17:54

王敏奕(Venus)在2019年與曾志偉的兒子曾國祥(Derek)結婚,婚後依然在娛樂圈工作。去年9月在何哲圖(Herman)的邀請下,加盟星夢娛樂做歌手,實行歌影視三線發展,之不過歌唱事業剛剛起步之際,遇上TVB變天,老爺曾志偉重返並擔任副總經理,全面接管綜藝及音樂節目,「死敵」余詠珊被削權,再踢走Herman掌管音樂事務。

隨着余詠珊失勢、Herman的離開,雖然有傳「星夢幫」都冇乜運行,不過今日志偉在「音樂永續 樂壇共享」記者會上,向「星夢幫」大派定心丸︰「星夢嘅歌手仍然都會上嚟!」有份出席記者會的Venus被問到在大台見到曾志偉時,會以「曾總」抑或「老爺」來稱呼對方?她笑說:「我覺得自己係鍾意叫佢『老爺』!」之不過志偉的身份除了是老爺外,同時亦是公司的高層,壓力方面,Venus說:「我本身都係一個容易畀壓力自己嘅人,經理人成日都提醒我,話我已經好畀心機,反而擔心我畀自己太大壓力,我都係會繼續做好自己,等大家可以睇到我嘅誠意。」

Venus還說:「之前一直專注做演員,而家突然多咗歌手呢個身份,多謝Herman畀咗呢個機會我加入樂壇呢個大家庭,等我有一個從新出發嘅感覺,亦令我可以學習更多嘢,迫自己繼續去進步。」至於會否叫老公曾國祥加入無綫幫手?她笑說:「我哋不嬲自己做自己嘢。」她還表示新年有見過老爺,不過私下很少講公事。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner