鍾培生投資電影《出租女友》林作曾試鏡 被質疑夾新聞做宣傳

更新時間 (HKT): 2021.02.24 19:54

「百萬林鍾一戰」近日網上花生指數爆錶,林作同鍾培生的拳賽,雖然未落實開戰,但事前的口水戰,已經叫人拍案叫絕。二人爭拗緣起於林作指鍾培生「抄橋」,到鍾培生下戰書擂台一戰,恍如乒乓球賽,球來球往。而蕭定一旗下hmvod即將開拍的電影《#PTGF出租女友》,去年試鏡林作亦有份參與。原來此片背後投資者正是鍾培生本人,令人懷疑一連串的花生戰,背後是有人悉心計劃的鋪排。

鍾培生投資《出租女友》

hmvod原創電影招納空姐開拍《出租女友》,由新晉導演鄭峰嵐執導。去年底演員招募日,林作跟一班前空姐亦有前往試鏡。hmvod今日公佈林作未能通過試鏡,因應演員檔期,電影會於下月開拍。蕭定一同時表示hmvod有意直播「林鍾一戰」賽事,而《出租女友》原來鍾培生亦有份投資。林作練拳的教練,亦經由鍾培生介紹,在一連串巧合下,令人聯想到林鍾的口水戰,到電影投資及拳賽直播,所有人物都離不開林、鍾、蕭三人,關係層層相扣,難怪有網民質疑是電影公司宣傳技倆。對於被指夾計增加知名度,鍾培生以短訊回覆《蘋果》,語帶不屑的說︰「講打拳我同Mayweather(美國前職業拳手)玩,講電競我同王思聰(中國前首富王健林獨子)玩、同騰訊、Blizzard、Supercell玩,我而家走去搞拍戲,都同蕭定一玩啦,幾時輪到林作你呀,問嗰個都戇X啦。」至於會否在《出租女友》客串一角時,他話「睇下乜嘢角色啦。」他解釋今次首度投資及參與香港電影,目的並非賺錢,是希望有更多廣東話電影,他說:「我純粹覺得香港需要正能量同需要支持創作,如果冇人投資香港電影,就唔會再有廣東話嘅戲睇,我係一個睇住香港電影長大嘅人,我都睇好多80年代、90年代嘅香港電影,而家見到香港電影越嚟越少,我有能力出一分力點解唔做,更加要支持香港電影。」

蕭定一擬直播拳賽

林作亦回應話:「我唔知鍾生有投資呢齣戲,我淨係知套戲大投資者係股評人周顯所識嘅朋友,而我叫Uncle嘅人,我係受嗰個人所托,我之前真係唔識鍾生,只係喺仁濟個Ball有過一面之緣,我冇喺嗰齣戲見過鍾生,甚至唔知佢有投資呢套戲。」另外,出品人蕭定一講到林鍾二人轇轕時,他說︰「鍾培生係我朋友,佢有興趣做港產片我都開心,但林作唔關事,佢係自己嚟試鏡。」由於蕭定一與鍾培生關係友好,不排除再下一城,有機會洽商在hmvod直播「林鍾一戰」。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner