Sam哥《極鬪》系列含福音元素 堅持「揦鮓麵」價錢煮出Cult味

更新時間 (HKT): 2021.02.24 06:00

人稱「Sam哥」的梁成致架上茶色眼鏡,表面惡形惡相,內裏是一顆傳道人的善心。被喻為香港Cult片代表人物,《極鬪》系列自2016年第一集面世,到今日已經拍到第八集《極鬪8十字狙蹤》,向着挑戰19集《陰陽路》一列的長壽紀錄邁進。觀眾反應由原先的「有冇搞錯」,到真心Cult地欣賞,成績是靠金錢及毅力累積。

無錢拍主流Cult成出路

Sam哥早前在大角嘴的拳館接受訪問,雖然他不是《喜劇之王》的「尹天仇」,沒有長篇大論的電影理論,共通點是對電影的喜愛。面上掛着招牌大黑超,親切的笑容,聯想不到戲中手起刀落、殺人如麻的角色。不經不覺《極鬪》拍到第八集,有觀眾關心電影會否一直延伸下去,Sam哥斬釘截鐵話︰「只要我仲有故仔想同觀眾分享,就會拍落去。而且《極鬪》系列,冇題材限制,任何題材都可以,可以探討社會問題,好似《極鬪3雅博渡口》就包含福音元素,只要仲有觀眾注意,我就會繼續拍落去。」每集必備的是暴力元素,今集講到Sam哥女兒被拐,他邊打邊殺,大汗淋漓救女,他笑言故仔是受《救參96小時》(Taken)感召︰「我都想抄佢哋,但唔得,我冇佢哋咁多錢做大製作。但係我想凸顯呢個議題,因為我都係一名父親,我會明白萬一我女兒被拐,我的心情會如何,我想演繹出來。」Sam哥話「Cult」是迫出來,資金是其一,其二是外形所限,「我唔擅長拍文藝片,純動作片又拍唔到,惟有向呢方面發展,比較Cult,每樣元素都加一點」。

科幻暴力獨欠色情

Sam哥從事市場推廣工作,閒時用私己錢拍戲,每部作品都限制在100萬元之內。Cult片主題離不開科幻、喪屍、暴力血腥同色情元素,但身為傳道人色情劇情可免則免。他目前正修讀神學,到周日武館會變身成教會,Sam哥化身傳道人講道,他說︰「Cult片最緊要係睇味道,搵一啲唔知名演員,睇得出佢哋有熱誠。」回想第一部電影上映時,因為太多瑕疵,觀眾一路睇一路笑,是真心的恥笑。從另一角度看,觀眾睇得開心,朋友間有話題,目的已達到。從來都是想整「車仔麵」,所以「 有兩嚿屎又幾咁奇」,Sam哥講到起初有一班人,專登入場睇戲跟住批評︰「唔緊要,你有目的,能滿足你就好,當然現在負評越嚟越少,亦都係我嘅動力。起初我做得唔好,有人批評,我認命,之後我畀自己時間,將車仔麵做得冇咁難食。」而那班人不少已成為自己fans。講到最難忘的作品要數到上一套科幻片,戲中Sam哥一人分析7個角色,全部被怪獸殺死,Cult得來不失教育意義「被怪獸殺死嘅,全都係壞男人。」

成日改戲似王家衛

Sam哥話拍Cult片是迫出來,《極鬪》製作流程是先度劇本,「通常有6、7成故仔就開工,同王家衛一樣,唔會有完整劇本」。故仔都由自己主導,靈感到就隨時改,拍多些散shot,以免最後剪唔埋。拍動作場口就最過癮,可以滿足到英雄感,他說可以為一場動作戲而改劇本遷就。礙於資金所限,電影有很多缺點,「血唔似血,假手一睇就知係膠,好流」,但就係這些瑕疵,令Sam迷趨之若鶩。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner