盛勁為強調以後會避忌 向麥明詩派檸檬:睇唔到有發展呢個可能性

更新時間 (HKT): 2021.02.24 16:12

現年29歲的「十優港姐」麥明詩(Louisa)日前被《蘋果》讀者透過「爆相爆片」分享在西九海濱長廊與曾任職飛機師的盛勁為(Keith)野餐兼曬日光浴,其後Louisa未有否認對方身份,只說:「同朋友傾偈啫,呢排抗疫,多啲喺戶外。而家少去餐廳,比較麻煩,多謝關心。」

對於戀情疑似曝光,Keith昨晚在將軍澳出席活動,他坦言當日是即興約會:「我哋主要係食吓嘢同傾吓偈,我問吓佢關於TVB嘅嘢。」不過問到有否發展機會,他直言:「我睇唔到呢個可能性,而且我都冇開過聲話會追佢。」再問Louisa是否「嗰杯茶」?Keith說:「佢係做朋友鍾意嘅類型,日後可能都會避忌啲,我都估唔到會俾人影到,都有啲驚訝。」

雖然Keith表示當日是「即興」,不過據讀者表示,當日Louisa明顯經過悉心打扮,穿上吊帶小背心,戴住太陽眼鏡及束起秀髮,他們更自備酒杯,一邊飲酒一邊嘆小吃,其間有除低口罩,兩人似乎有傾不盡的話題:「雖然佢哋冇乜親暱動作,但麥明詩個樣好冧,明顯係一對情侶。」究竟是真的只是「係做朋友鍾意嘅類型」,抑或要低調保護戀情,相信只有他們才知道。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner