麥明詩、盛勁為冇發展機會

更新時間 (HKT): 2021.02.25 02:00

麥明詩與曾任職飛機師的盛勁為日前被《蘋果》讀者直擊在西九海濱長廊野餐,戀情疑似曝光,不過女方表示:「同朋友傾偈啫。」盛勁為前晚在將軍澳出席活動指當日是即興約會,更斬釘截鐵指沒發展機會,他說:「我睇唔到可能性,我都冇開過聲話追佢。」更指麥明詩是做朋友鍾意的類型,又聲言日後會避忌。

至於麥明詩舊愛林作近日與富三代鍾培生掀起「百萬擂台戰」,原來林作去年有份試鏡的蕭定一旗下hmvod電影《#PTGF出租女友》,背後金主其實是鍾培生。hmvod昨日公佈林作未能通過試鏡,蕭定一同時又指hmvod有意直播「林鍾一戰」,加上林作練拳教練由鍾培生介紹,懷疑兩人夾計宣傳,但林作堅稱:「我之前唔識鍾生,唔知佢投資部戲。」鍾培生亦表示:「拍戲都搵蕭定一玩,幾時輪到林作。」

娛聞樂陪你走遍全球追星,即Like「娛果」FB 專頁!
BannerBanner