前國泰空姐爆選美內幕 目睹候選佳麗現身富豪飯局遭上下其手

更新時間 (HKT): 2021.02.25 19:54
曾出席富豪飯局的「仔仔」,大爆飯局中所見所聞。

前國泰空姐阿Sa,早前在YouTube頻道「Smart Travel」,繼嚴選航空界「十大好客」及「十大最討厭明星客」後,日前又在頻道中大爆張振朗見高拜見低踩。早前,阿Sa就請來同樣是前國泰空姐的「仔仔」做嘉賓,席間「仔仔」爆曾出席過傳聞中富豪飯局,她更大爆在飯局中的所見所聞。

見富豪對女仔上下其手

前空姐「仔仔」曾被富豪邀請出席飯局,但因「貪靚仔」而拒絕現身,她在訪問中,形容同是空姐出身的A小姐,本身家底好、外表似王祖賢好靚女,她指自己當年跟A小姐關係不錯,平日亦有相約食飯,不過有一次她約「仔仔」出去時,就叫了司機來接她,之後該司機載「仔仔」到蘭桂坊一間高級日本餐廳,「仔仔」到餐廳2樓一間房後,便見到城中10位富豪公子,一眼看出其中兩位富豪的太太是選美出身,「仔仔」見到此「格局」,即心領神會,表示自己有事要先走,A小姐就勸她留下食飯,富豪「世界仔」則叫「仔仔」畀面食餐飯,「仔仔」堅持離開時,在場的富豪C先生開腔指她不畀面,堅持「仔仔」一定要食完飯才准離開,而「仔仔」最後亦只能留下來。大概5分鐘後,有8個女仔進入房中,有些更是兩間電視台的候選佳麗,「仔仔」謂看到這些女仔,當刻覺得心情難過,又感到擔心。

飯局中,「仔仔」表示看到席間有富豪對現場的女仔上下其手,而自己則幸有「斯文公子」出手相助,他叫「仔仔」坐在旁邊然後說:「小姐,你唔使驚,我答應唔搞你,你坐我隔籬就好安全」,至於身邊的候選佳麗,則熱情地向富豪投懷送抱,而C先生則對坐在身旁的女仔說:「選美想唔想入三甲?」,當對方表示「想」之後,C先生即帶那位女仔去另一間房。另一名富豪表示枱上的禮物中,有兩隻非常昂貴的手錶,當他問完誰人想要後,「仔仔」見一眾女仔都踴躍舉手,該富豪就帶着選中的兩個女仔到了另一間房。

Z小姐拒出席後三甲不入

席間,富豪「世界仔」叫A小姐打電話給當時是三甲大熱的候選佳麗Z小姐出來,不過卻遭拒絕,而最終那個靚過當年冠亞季軍的Z小姐大熱倒灶,就連總決賽都入唔到。空姐「仔仔」透露Z小姐的外型與她的聲音有非常大反差,現時仍有客串演出,「仔仔」指雖然Z小姐因拒絕出飯局而三甲不入,但她謂這次事件令她對Z小姐有好感。吃完飯,C先生要大家留低聯絡方法,但當C先生看完其中一張紙後,大叫:「邊個唔寫電話,畫咗個公仔喺度?」當「仔仔」直認是自己後,C先生說:「o靚妹你都好寸,冇人試過畫公仔畀我,食埋餐飯唔使走,要陪我哋去唱K。」

此時,第一個被富豪帶到其他房間的候選佳麗回來,空姐「仔仔」指她當時衣衫整齊,似是沒發生過任何事,只是唇膏有些花而已,但「仔仔」就笑言,雖然該名佳麗被帶到另一間房,但最後仍三甲不入。「仔仔」之後亦被迫與眾人一起到了卡拉OK,一心只想逃走的她,雖然見樓下有10多人在把守,但幸而衝出門口後剛好有的士經過,於是她馬上跳上車離開。「仔仔」表示曾問A小姐為甚麼要這樣做,對方卻說:「有錢唔係最重要,因為人一定要出名,出名後做咩都好順利,我去食飯係為出名,幫助自己做生意。」事後「仔仔」跟A小姐斷絕來往:「我覺得你應該話聲我知,我出唔出去係我嘅事,我認為朋友唔應該係咁,大家諗法都唔同,我淨係要靚仔。」空姐「仔仔」同時謂明白有錢的男人都喜歡去玩,但她對於那兩位富豪,本身有個選美老婆仍出來玩,即使當日沒有帶女仔去其他房,但由於他們在傳媒面前與太太表現得非常恩愛,故覺得非常愕然。

扮茶壺最似可袋5萬

至於空姐阿Sa就指去飯局,雖然會多了一個途徑認識有錢人,但她就不鼓勵女生參加,而她之後又忍不住爆有另一位前國泰外籍空姐S小姐,也是專門邀請其他女同事去富豪飯局。阿Sa指以前就有一個被邀到飯局的女下屬向自己透露,當時剛好與S小姐同機飛返港,S小姐突邀請她到朋友的生日派對,之後就被S小姐帶到中環雪廠街一間私人會所,進去後見到一班男仔正與女士傾偈、玩遊戲,當中有人突然大叫:「呢度5萬,你哋邊個扮茶壺扮得最似就攞走。」一眾想拿5萬的女仔,即時好落力地扮茶壺,最後該5萬元由S小姐獲得,而該女下屬眼見這種狀況,直言覺得繼續留在這裏「好cheap」,於是以身體不適為由先行離開。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner