譚耀文自嘲恃老賣老 新戲拖拉兩年終於上映

更新時間 (HKT): 2021.02.25 21:14
譚耀文為新戲宣傳。

譚耀文、張建聲及栢天男,今晚於九龍灣出席電影《逃獄兄弟》的宣傳。譚耀文表示該片於2018年拍攝,經歷兩年終於上映,期待該片已久,他說︰「大家都花咗好多心機,諗起拍《衝鋒車》時,幾位演員我年紀最細,今次我最大,個個演技都好勁,各出奇謀,睇少陣都唔得。我今次恃老賣老,試老妝都用咗4個鐘,每次用個幾鐘化妝,洗極都洗唔乾淨。」譚耀文表示支持防疫,強調入戲院睇戲非常安全。

在戲中展示健碩身形的栢天男指,新戲在上映優先場後,戲院因為疫情而暫停開放,經過兩個多月終於獲解封,電影延遲至今才上映,他說︰「新戲上咗1日,戲院就停開,真係有少少擔心部戲,而家非常開心齣戲喺香港上,大家有機會睇,朋友都好期待。」至於張建聲表示,過去的星期六、日都有到戲院,與友人包場欣賞其作品,他說︰「視察過反應OK,氣氛好、效果好,有港產片感覺,令我哋做電影都感到振奮。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner