林二汶演唱會以信仰的開端做主題 努力編織踏上成功之路

更新時間 (HKT): 2021.02.26 19:37
林二汶早前為演唱會影宣傳海報。

剛升格做「叱咤樂壇我最喜愛女歌手」的林二汶,出道二十年首次在紅館開騷,將於3月27日舉行個人演唱會《The Beginning of Faith》,二汶之前公佈這次演唱會不設「山頂位」,全場劃一票價680元。

早前她為演唱會影主題海報,一向打扮以素色為主的她,突然改變充滿色彩,身上更舖滿了由冷線織成的衣服,她形容這個造型是「棉乾絮濕」,是有特別的意思:「因為編織係要日復日,一針一線好有耐心,所以編織呢個精神,擺喺唔同嘅工作入面,都可以形容走漫長嘅路先可以完成,好啱我呢個演唱會,都係一點一滴咁構成。演唱會名叫《The Beginning of Faith》(信仰的開端),因為我有首歌叫《最後的信仰》,個意思係你相信你一直努力織到底,嗰樣嘢就會出現,呢個係我做咗咁多年嘅其中一種精神,所以編織係同我成個演唱會好有關連。」

但是講到一針一線編織「溫暖牌」,並不是林二汶強項,她訪問時表示讀書時候,家政堂有關編織的功課都要有家人幫忙才能完成:「由我阿媽、阿婆、阿姨幫手合作製作,好慶幸身邊幾位上一代婦女咁有才藝,所以今次都係一併向佢哋作出致敬。」

而影相當日,更需要進行直播,因為負責海報美術設計的陳輝雄身處外地,未能到達現場監察,其間陳輝雄作出指導。二人合作無間,他曾為林二汶唱片《初音》做設計,她亦希望到時能見到對方。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner