亞視搞拳賽節目 有意直播「林鍾一戰」:係驚打唔成啫

更新時間 (HKT): 2021.02.26 20:01

亞視製作的拳擊節目《百萬拳王》於下月播出,今天請來一班圈中武術界前輩包括陳惠敏、劉永與雪梨等,聯同亞姐蔡小蝶、何雙妍與林寶玉,於大埔舉行記者會。何雙妍、林寶玉、范沙沙與張可盈更率先試打,進行了「女拳王大比拼」,由林寶玉奪得女拳王。

唔介意贊助擂台畀「林鍾一戰」

亞視執行董事陳偉傑與節目負責人黎文狄指《百》是一個兼備綜藝元素的拳賽節目,得獎者將奪得共值百萬元獎金與獎品。陳偉傑更主動提到近日林作與鍾培生的牙骹戰,他說:「我都希望,如果林作同鍾培生唔介意我哋幫佢搞直播,播埋佢哋嗰場拳賽都OK嘅。」問到大家有洽談過嗎?陳偉傑說:「未有人搵我,我試下接洽佢哋。」問到為何對這場拳賽有興趣?陳偉傑說:「咁佢哋都要搵場地嘅。」問到是否會怕被人覺得抽水?他說:「冇所謂嘅,亞視係一個開放平台,我係可以贊助個擂台同搞直播啫,唔係抽佢水唔收佢錢嘅。」身旁的黎文狄則笑說:「我哋係驚佢打唔成啫。」

早前宣佈罹患肺癌的惠敏哥,今日亦有現身,見他精神相當好只是聲音有點沙啞,他在台上表示以前有打拳,並指打拳對年輕人身體好,所以一定支持。不過惠敏哥活動後以身體不適為由,拒絕受訪。

劉永難忘李小龍教導

劉永是空手道黑帶,他談及當年跟李小龍一同交流武術的往事,他指十分難忘李小龍第一句跟他說「忘記傳統的空手道,放鬆去做」,又說:「直到李小龍過身,我會諗咁叻嘅人都死得,自己都冇咁瘋狂。」劉永又謂會訓練一對兒子運動,強身健體。雪梨指今天跟惠敏哥重逢很開心,更祝對方身體健康。她亦透露有透過田雞問候不幸患肝癌的吳孟達:「大至上幾好,叫大家唔使擔心,我有叫佢加油。」

另外,何雙妍與林寶玉一同接受訪問,她們指公司正籌辦「亞姐拳賽」,大家都有興趣參加,更笑言希望賽事有獎金鼓勵。問到拳賽前會怕破相買重保險?雙妍笑說:「唔怕,而家醫學倡明。」寶玉則說:「都有諗過吓,不過亞姐賽應該冇咁起勁嘅,唔係專業。如果畀我揀,沙沙身形好,都想同佢挑吓……戰。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner