黃貫中與朱茵相愛20年 自創「嗌交哲學」:奉勸男士係咪都認錯先

更新時間 (HKT): 2021.02.26 20:53

今天是一年一度的元宵佳節,黃貫中(Paul)與朱茵合體挑戰「愛情五秒定律」兼分享夫婦相處之道,Paul被問到老婆激嬲自己的三個原因,他一輪嘴地說:「天氣凍着唔夠衫、肚餓又唔食嘢、亂放雜物、唔願起身、遲到⋯⋯咦,原來可以講到咁多。」搞到朱茵笑言要罰對方頂痰罐!

兩人從拍拖到結婚超過20年,但至今仍然恩愛非常,Paul說:「好多人問我哋,一齊咁多年會唔會悶,講真話唔悶就呃你,但係要學習點樣避免呢種悶,最重要唔好有一個奉旨嘅心態,例如太太為你煮飯,你要識得欣賞,要覺得每一餐飯都係第一次,將呢個心態套用喺所有事情上,就唔會覺得悶,反而好新鮮。」朱茵亦分享一些增加情趣和感情的小玩意:「依家喺屋企嘅時間多咗,可以嘗試多啲唔同嘅嘢,最近我哋會等囡囡瞓覺後,一齊砌3D模型,都幾好玩,同埋我哋晚晚都會睇戲。」

談到阿Paul婚前婚後的不同之處,朱茵大發嬌嗔說:「以前出街一定會拖實我,依家就會拖阿囡(黄鶯),仲有以前唔會窒我,結婚後就係咁窒。不過佢都係一個好老公,任我差遣,而且會煮飯畀我食。」身為「愛妻號」的Paul更自有一套「嗌交哲學」:「嗌交輸咗,固然係輸;贏咗你都有排捱!既然輸贏都係處於輸家嘅狀態,奉勸各位男士最好就唔好同另一半嘈,係咪都認錯先。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner