晚吹丨水手爆過氣港姐疑背未婚夫上遊艇搵老細 港男為一句說話當眾摑女友

更新時間 (HKT): 2021.02.26 18:54
(電視截圖)

林二汶和余迪偉主持的ViuTV節目《晚吹—又要威又要戴頭盔》,最新一集請來三位水手,分享在出租遊艇工作時的所見所聞,更揞名爆選美出身的過氣男女藝人狂野私生活。

化名肥龍的水手,透露曾見過選美出身的女藝人疑似落遊艇搵老細,雖然節目組將他講的「X姐港男」時消音,但明顯是講港姐和香港先生。「報道話佢係有男朋友,甚至有未婚夫,但畀我哋見到好似落嚟搵食搵老細,呢頭同呢個攬頭攬頸密密斟,打晒茄輪咁。又見港男同女朋友一齊玩,初頭好開心,唔知個女仔講錯一句乜嘢,就一把星(掌摑)埋去,個女仔匿埋喺房喊到走為止。」

另一位水手就表示曾在電視上見過一個好好先生,在船上與一班性感女仔玩到攬攬錫錫,遇老婆來電嚇到要全場靜音。「佢將成架船嘅人同音樂聲靜晒,要交待自己有嘢做緊,你喺電視見佢好正氣好好先生,原來私下咁嘅。」還有另一位形象健康的出名公眾人物,亦做出一些令人意外的行為,「佢形象好似係打擊毒品、任何罪惡嗰啲健康人生,但畀我見到食煙,但煙味比較特別唔知咩嚟啦,就問你啱唔啱,咁我哋就唔食呢啲啦。」

三位水手在遊艇上見盡千奇百趣,有全裸船P、帶秘密情人上船,又有男生溝幾種酒灌醉女仔,當中不乏愛情動作場面,「最惡劣嘅,見過有老闆同年輕女仔入房半個鐘,唔知個女仔係咪生理期,佢哋由張床玩到去廁所,再玩到大廳,最後我哋入去執嘢,一開門好似屠房咁,周圍都係血。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁