郭富城準備大利是賀麥秋成同湯怡結婚 叮囑一定要錫老婆

更新時間 (HKT): 2021.02.26 12:17

今天是元宵佳節,亦是麥秋成和湯怡(Kathy)註冊的好日子,二人今日在陽明山莊舉行婚禮,早上約10時,一對新人從會所步出大門,讓傳媒拍照,穿上中式裙褂的湯怡,手上戴滿龍鳳鈪,其中一對是老闆楊受成送的超巨型龍鳳鈪!兩人應要求大方停步任影,新娘笑容甜蜜幸福,麥秋成隔着口罩錫老婆兩次,他們隨後登上勞斯萊斯花車行大運行足20分鐘。

新娘好友張惠雅 (Regen)擔任伴娘,麥秋成的細佬任伴郎,Regen接受訪問時,表示大家很enjoy這個party,問到昨晚有否搞告別單身派對?她說:「我哋都係開心食吓湯圓,都唔算係party,識咗佢咁耐,知道佢係一個好沉悶嘅人,好似平時一樣咁早瞓,麥秋成都好照顧老婆,亦預備好晒所有嘢,初初都擔心湯怡辛苦,始終佢大住個肚,不過麥秋成好好,全程安排晒啲嘢,而且完全唔使佢操勞。」Regen笑言反而一班姊妹計劃完成婚宴後,齊齊去打邊爐慶祝。

問到今早接新娘的情況,Regen說:「我哋拎開門利是好順利,新郎準備咗一大袋利是畀我哋攞,不過我哋未數,所以暫時唔知幾多錢,我哋玩新郎嗰陣都好鬆手,麥秋成本身係排舞大師,安排咗佢做啲人類唔可能做到嘅瑜伽動作,仲有啲愛的宣言,到咗斟茶嘅時候大家仲喊晒,好溫馨。」據知湯怡爸媽為女兒戴龍鳳鈪時,按傳統習俗扭了多下,寓意希望女兒多子孫,繼續生不停。

在婚禮舉行前夕,一對新人在社交平台貼出婚紗相並留言:「明天我們正式行禮,在疫情下舉辦婚禮 一點也不容易,也因限聚令的關係,嘉賓人數有所限制,希望疫情快點過去,然後舉辦一個大型婚宴,邀請各位親朋好友,謝謝各位的祝福!」

註冊儀式在今午舉行,由崔建邦擔任司儀,郭富城、小美、楊受成、Jackal@DearJane、Sunny Wong及英皇高層許佩斯等亦有出席,城城說:「今日係好開心嘅事,一定要嚟祝福佢哋,秋成幫過我做演唱會,之後做咗排舞師,睇住佢成長,我都好開心,我同湯怡喺電影上都有合作過。」問到會送甚麼禮物給一對新人,他笑說:「送利是好啲,等佢哋鍾意買乜就買乜。」至於會否分享爸爸經?城城則說:「今日係佢哋大日子,一定會好忙,留返遲啲先傾吓做爸爸嘅心得,係開心o架,當然都要錫老婆。」

身在內地的陳偉霆在IG上分享兩人在註冊後的咀嘴相並留言:「永遠幸福快樂。」不過有網民誤會以為新郎是陳偉霆。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner