家燕姐預告為湊孫減少工作 叮囑兩個女要抽時間拍拖

更新時間 (HKT): 2021.02.26 18:39

薛家燕在情人節當日宣佈將榮升做嫲嫲,二仔石耀庭在IG宣佈太太有喜。正所謂人逢喜事精神爽,家燕姐今日在觀塘出席代言活動,全程心情勁靚,笑言知道新抱有喜後,興奮到失眠:「我第二日瞓醒即刻問朋友煲咩湯補身,本來諗住發揮吓啲廚藝,煲多啲好湯、炒多啲好餸畀新抱食,以前我有咗BB時,足足重咗40磅,但係新抱話唔使煲咁多,要循序漸進,小心揀飲擇食,所以依家變咗一個禮拜煲1、2次湯畀佢。」

家燕姐還笑言由去年年尾開始就行運,不過她直言希望將好運送給兒女:「我梗係想啲仔女開枝散葉,我都生咗3個,咁佢哋都要盡可能喇,不過佢哋都有自己嘅計劃。我仲有2個女未結婚,希望佢哋唔好太忙,可以拍吓拖。今年我決定減少工作,要擺多啲時間湊孫,所以個女都可以唔使咁多嘢做,可以抽吓時間拍拖。」講到師傅指她紅鸞星動,她笑言:「我好多人追㗎,只係睇我心唔心動啫,不過紅鸞星動都可以話得到好多人喜愛,有好多觀眾支持。」

至於今晚元宵節的活動,家燕姐笑言與男友隔空談情慶祝:「我已經買咗湯圓,諗住隔住個『芒』一齊食,有我陪住佢食,湯圓都特別甜呀!」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner