姜濤改寫麥記30年經典急口令 推專屬「姜B餐」

更新時間 (HKT): 2021.02.26 19:23

「雙層牛肉巨無霸,醬汁洋蔥夾青瓜……」相信80後出世嘅人,無論鍾唔鍾意食麥當勞都好,都一定記得呢句家傳戶曉嘅急口令。不過呢個紅足30幾年的急口令,最近就被俘虜萬千女人心的姜濤改寫,麥記更將急口令中的「人人食過笑哈哈」改成「『姜B』食過笑哈哈」,就連經典都要為姜濤而改,可見佢嘅威力幾咁強勁,相信一班「姜糖」應該好受落!

姜濤今次為麥記推出的新包做代言,麥記除了將急口令融入姜濤暱稱外,更為他推出「姜B餐」同「姜B卡」,而今次呢個「姜B」急口令除咗要Rap,更要跟住姜濤在廣告中的舞步去跳,雖然勝出者只得姜B簽名的咕𠱸做禮物咁大把,但可見麥記對呢位叱咤頒獎禮上奪得「我最喜愛的男歌手」的姜濤重視程度。

其實呢個麥記巨無霸急口令早在1984年登場,如果成功在6秒內挑戰,就可以免費得到一杯汽水及一張獎狀,不過之後到唐詩詠有份拍的版本,就已經將本來要6秒改成5秒,而禮物方面亦由汽水、獎狀變成食物造形玩具。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner