陳展鵬加盟天盟娛樂唱歌 倒米嘲公司「冇意義」

更新時間 (HKT): 2021.02.26 16:47
陳展鵬今日出席加盟天盟娛樂發佈會。

陳展鵬今日在觀塘為加盟天盟娛樂舉行發佈會,TVB高層樂易玲、何麗全、陳欣健、監製舒文及一眾天盟娛樂的歌手等均有出席。

現年44歲的陳展鵬一圓21年前的歌星夢,他自言有夢醒的感覺,並笑言公司的師兄、姊全部比他年輕,問到他是否天價簽約做一哥?他竟倒米自嘲公司簽他「冇意義」:「哈哈哈……一哥係媒體講,可能我年資夠,公司個個都細過我,叫我師兄係尊重啫,其實我係師弟。喺呢個環境能夠參與一份,可以唱到廣東歌,難得有機會係好感恩,我係老闆都未必會簽自己,(寧願)做有意義嘅嘢,我覺得老闆好勇敢,因為我自己都有好多不足。」

提到現今有不少歌唱造星比賽,陳展鵬直言也渴望參加,問到可覺跟年輕歌手有距離?陳展鵬說:「音樂係冇分年紀疆界,唔理咩台,香港好多節目都好欣賞同值得學習,百花齊放。」他坦言現時當歌手的決定不會太遲,自己的人生經歷豐富,會對音樂上有另一番體會,他說:「3、4年前小姐(樂小姐)都叫我唱返歌,自己都好掙扎,當時覺得做演員嘅唱歌走音都OK,而家要努力嘞。」他又指新歌《零歲》是送給囡囡的歌,未來將會送歌給太太單文柔,而今年會盡量將拍劇與唱歌事業兼顧好。今日正值元宵,陳展鵬謂趁晚上不用工作,爭取時間陪伴家人。

Carman跟Gordon同場尷尬

另外,組合Bingo的Carman早前被爆背着同公司的Gordon,在參加《全民造星III》時搭上CY,今天Carman跟Gordon同場,表現尷尬,全程零交流。兩人一同接受訪問,否認有尷尬,Gordon說:「其實冇乜嘢,但講完之後就有啲尷尬。」問到兩人關係?Gordon稱大家是同事,Carman則說:「不嬲都係同事。」是否降lv?Carman說:「冇拍拖,之前係螢幕情侶,而家係各有各忙,少咗聯絡。」問到兩人follow返對方沒有?Carman即望着Gordon,Gordon尷尬說:「轉頭follow返囉。」

而Carman亦澄清沒有跟CY拍拖:「我同CY都冇拍拖,係朋友,大家都忙,少咗出嚟見面,除咗上次彭秀慧生日有見。」提到Gordon又傳撻着「大埔LuLu」董嘉儀,他說:「係了解中,而家都係工作行先,因為要拍劇,時間配合唔到,呢排太忙,冇乜溝通。」之後又指二人已了解完,此時身旁的Carman突然讚LuLu是好女仔。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner