余詠珊「黨羽」憂前途 肥媽撐契仔陸浩明:佢點會係嗰黨?

更新時間 (HKT): 2021.02.26 19:10

肥媽去年喪偶,休息一段時間,已重整心情投入工作,今日在石門出席活動,她表示已收拾心情,兒孫回港陪伴,因膝蓋軟組織流失,預計3月尾做手術。

今次代言活動以長者為目標,所以肥媽事前請設計師到自己家作參巧,她回想丈夫生前為自己做許多家居設計,也適合長者,「我哋廁所有扶手,而且沖涼有摺櫈,我好耐自己彎唔到腰洗腳,家居唔會有角防撞瘀」。而早年已開始在大灣區投資物業,現時在大陸已有5個單位,肥媽指自己會香港、大陸兩邊走。

近日TVB人事變動,余詠珊失勢,肥媽大讚志偉剛加入已解決四大唱片問題:「解決咗歌曲版稅問題,起碼節目唔使來來去去唱嗰啲歌,多咗版權可以有多咗歌唱,志偉係叻呀!」

講到余詠珊失勢,契仔陸浩明是其「黨羽」,可會擔心契仔前途,肥媽表示不擔心:「佢點會係余詠珊嗰黨?應該冇分嘅,唔使擔心佢,有才華做嘢交到功課就得,志偉都係量才而為,又唔係余詠珊出糧,係TVB出糧嘅。而家都好多亞視嘅人過去,煒哥(陳煒)都係亞視人 ,唔通又有『亞視黨』咩,TVB都係睇工作表現。」她又指志偉本是演藝人協會,而且經常希望提拔新人,幫很多年輕藝人,讓更多人有出路。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner