張致恒疑着草丨張彥博上月廣州見過Steven 債主Naomi預咗條數收唔番

更新時間 (HKT): 2021.02.26 14:57

現年36歲的張致恒(Steven)前年與粉絲雯雯奉子成婚,之後再生下細仔,經常上載一家四口幸福相。但原來一切都是假象,上月尾,跟Steven相識20年的馮鎵瀠(Naomi)鬧爆Steven欠債不還,後來發現有多位藝人幕後都是「受害者」;近日Steven再被人上門貼街招追數,但人去留空,連電話都cut埋。

債主Naomi今日再次接受《蘋果》專訪,她透露上月報道曝光後,Steven曾主動聯絡道歉,並承諾一星期內還錢,結果還是無影。她說:「新年都過埋嘞,但都係收唔到。冇再追,因為知道唔係得我一個,我唔係alone,數量好驚訝,咁借法,我都應該收唔番。」她直言不會原諒Steven:「佢講Sorry我都唔接受,佢講嘢好無稽,我唔係一個白痴同低能,我都係做生意,唔好用啲三歲小朋友都唔信嘅藉口,去令自己做錯嘅事合理化。話冇工返,之前洗碗,但餐廳都執埋,啲嘢用積分換返嚟,好簡單啫,啲嘢唔消費何來有積分,佢話係電話費積分,但我想講我屋企有五個電話號碼,我哋同一個family,我都冇積分去換電器,我都好想知佢有咩消費可以有積分去換電器,呢樣好唔make sense。」

借錢維繫幸福家庭

會否戥Steven的妻兒可憐?Naomi不屑說:「一啲都唔慘!佢有得去冒險樂園玩,有得去BB展買啲好貴嘅BB用品,又有得養狗養雀,有工人,一啲都唔慘,仲好幸福添,因為全家人係用緊其他人嘅錢,去維持自己好好嘅生活,喺疫情下佢哋真係過得好幸福,一啲都唔慘,我都想做佢。」她還憶起當起Steven解釋跟小朋友去冒險樂園玩的理由,越講越㷫:「我最㷫係佢答我:『100蚊之嘛』,100蚊咋喎,你有100蚊畀小朋友揼落鹹水海玩,但你唔用嚟還錢畀人,講真100蚊都係錢吖,而係攞100蚊攞去掟?」第4波疫情稍緩,經營美容店的Naomi雖然已經復工,但客人仍未有信心再消費,她說:「開工都做番之前啲客嘅療程,我感激合作過嘅幕後朋友同商戶,好多人都想幫我,多謝。」

曾借5位數給Steven的林盛斌(阿Bob)同樣是對上一次新聞出街後收到Steven電話道歉:「佢仲話過咗年之後可能會返內地做嘢,我叫佢爭氣,努力工作,重過新生活,盡快清還所有債務,之後就冇再聯絡。每個人都會有唔順景,生活困難嘅時候,喺我嘅角度,如果我仲有能力可以幫一幫忙,希望有一日佢重新振作。」

張彥博寄語:自強吧!

至於與Steven稱兄道弟的張彥博,曾在Steven落難時收留對方5年,又試過偷偷地塞幾百元在他枕頭。張彥博上月在廣州工作時遇見Steven,對於Steven疑「着草」避債,張彥博語重心長說:「我只希望佢努力做返好自己,也是我的心願了,我沒有奢求甚麼,我自己也有負擔,家人都沒有工作,我也需要照顧他們,只好更努力了,人人都難捱,最緊要唔好影響到其他人,自強吧!」

Steven的大陸經理人Ming透露Steven上月返大陸工作:「佢遲啲應該都要返嚟(大陸)做嘢,而家就應該喺香港,但我都唔係太清楚,我係負責佢電影嘅工作,另外嘅工作佢簽咗畀另一間公司。」問到Steven被貼街招追數一事,Ming表示跟Steven只是工作上合作,對方工作態度沒有問題,亦沒有問他借過錢,故不太了解其目前狀況,但將來有合適工作都會找他。

《蘋果》亦聯絡過Steven的姐夫Donald,但一直未有回覆。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner