誤傳老婆是馮素波

更新時間 (HKT): 2021.02.26 02:00
■不少人以為余子明太太是馮素波,其實是她的妹妹馮素雲(左)。資料圖片

從小愛唱歌的余子明,1968年參加業餘歌唱比賽奪冠後,獲北角夜總會「銷金窩」邀做駐場歌手,其後登台跑星馬泰、汶萊、法國都有其足迹。70年代他與台灣藝人錢蓉蓉在香港登台演歌劇,1976年獲無綫賞識加入《歡樂今宵》。

入行前做過《南華晚報》及《天天日報》記者的子明哥,沒有高學歷,小學畢業後更跟壞朋友做逃學威龍,終日流離浪蕩,17歲時經舊同學介紹到《夜香港》報館做校對,三個幾月後過檔姊夫任總編輯的《南華晚報》,偶然機會當上記者:「有日有架巴士唔記得撞死定撞親個細路,報館有個新聞記者去,突然間佢打電話返嚟話唔掂,話啲人好牛精,又驚又唔知點做,叫搵第個去,主任問邊個接呢單嘢,我話我去,我識講潮州話,柴灣嗰啲全部潮州佬,我去到實同佢哋講得掂,我一去,第一樣嘢梗係講潮州話『架己冷』,同埋我醒目,凡係乜嘢事,梗係向傷者講好說話。」他講起當年如何自告奮勇諗計成功採訪,一臉自豪。

自薦轉做記者

大半年後報館擴張,子明哥正式轉做記者跑港聞,最深刻被兩個曾經稱兄道弟的左報行家出賣。他咬牙切齒極氣憤說:「有日我早咗上港督府,上到去見唔到行家,我醒目,避開啲先,突然佢兩個其中一個見到我大叫『打走狗報記者!』嘩!幾多人呀,不過我嗰時後生,一條氣由花園道走落嚟,幾牙煙呀。」

講到子明哥另一半,過去不少人以為馮素波是他老婆,講起這個美麗的誤會,他說:「呢樣好好笑,搞到請飲時好多記者集體鬧我,話我老婆都搞錯,馮素波吖嘛,你整咗馮素雲(請帖),我話我老婆係馮素雲,佢細妹囉!個個都話馮素波係我老婆,點解會有啲咁嘅事發生?因為馮素波同我同場唱胡社生行海天歌劇院,素波唱完要去金漢夜總會,我哋咪一收工行去嗰度囉,我哋男仔梗係同佢挽住個化妝箱啦,個個都見到我幫佢挽化妝箱,以為我追佢,到𠵱家都仲有人係咁喎。」

娛聞樂陪你走遍全球追星,即Like「娛果」FB 專頁!
BannerBanner