沈卓盈陀B狂食嚇親老公

更新時間 (HKT): 2021.02.28 02:00
■沈卓盈懷孕初期胃口大變,每日更食足七餐,幸好全程得老公悉心照顧。

現年36歲的沈卓盈前年與富商Calvin結婚,今年元旦宣佈陀B,她在懷孕初期拍攝開電視節目《五星級絲打II》,在節目大飽口福,輕鬆減壓。沈卓盈日前接受《蘋果》專訪,大呻懷孕後飲食習慣大改變:「BB畀反應你一定要食到某樣嘢,好難捉摸。」

得丈夫Calvin全天候服侍,沈卓盈一副冧樣說:「最辛苦係佢,試過凌晨5點,我瞓醒咗要食嘢,佢即刻出去買畀我食。」她突如其來的改變,更令老公不知所措:「嗰段時間一日食足七餐可能都唔止,拿揑後開始少食多餐,過咗失控期。」不過沈卓盈得天獨厚肥肚不肥身:「控制體形方面好辛苦,都會有啲情緒,佢(老公)好就我,孕期都好開心。」兩夫妻早已知道BB性別,但暫時保持神秘。

娛聞樂陪你走遍全球追星,即Like「娛果」FB 專頁!
BannerBanner