《造星II》季軍李祉均演藝事業無進展 羨慕又妒忌同屆出線兄弟

更新時間 (HKT): 2021.02.28 23:28
李祉君對於同屆的Pheobus及MC(右圖右)都已經簽約唱片公司,很戥他們開心。

曾獲選為《全民造星II》季軍的李祉均 (Oscar),今晚與《造星III》的李靜蓮(Alina)、黎蘊芝(Dilys)、海淦清(T.Max)、林明燊(Sting)及金汶霏(Ann Kim)在西環出席音樂網上直播。談到《造星II》冠軍吳啟洋(Phoebus)及亞軍張天賦(MC),已分別加盟環球和華納,反而Oscar的演藝事業一直未見起色,Oscar直言很羨慕:「我戥佢哋開心,我諗唔只羨慕,真心嘅,見到佢哋出道好戥佢哋開心,但當我臨瞓前,夜闌人靜嘅時候,點都會有少少妒忌,點解佢哋咁叻,而我又未追到佢哋呢?不過瞓醒覺就覺得唔緊要啦,我再努力啲囉!」他指自己在唱歌及跳舞方面仍需要磨練。

Oscar稱與ViuTV仍是友好關係,他透露去年曾想參加《造星III》,可惜遭ViuTV說服:「當時自己唔捨得完,所以想玩《造星III》,但同ViuTV商討期間,佢哋覺得重讀生唔一定有好處,叫我諗清楚啲,佢哋說服到我。」雖然在演藝事業上零收入,但Oscar表示收入不受影響,他說:「還好啦,食到餐飯,可以搭的士,因為我有教跳舞,但因為疫情有影響,將大班拆分為細班去教,所以時間會長咗。」

Alina或組情侶檔

Alina笑言唱歌有難度,所以現時有學唱歌,問到其男友、MIRROR成員邱士縉(Stanley)是否需要跟她一起學?她笑說:「梗係要!但佢忙緊《大叔的愛》。」她指自己在農曆新年經常吃糕點,所以現時要努力減肥,準備4月接拍一部有關女團的電影:「我成日都話自己好命,上年疫情咁嚴重,但有《造星III》嘅出現,好多時候覺得自己就嚟死,總會有人幫我,例如我唱歌勁差,就有唱歌老師打救我。」Alina指《造星》的確為她帶來更好的收入,賺回前半年在《造星》的使費。她透露現時跟ViuTV洽談合約,有8、9成機會成事,她笑謂:「同一間公司就可以情侶檔,因為ViuTV未有一pair咁樣嘅人出現。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner