胡杏兒陀住B搵奶粉錢 上大陸三個月賺300萬人仔

更新時間 (HKT): 2021.03.02 20:51

新增內容

懷有8個月身孕的胡杏兒,今日在銅鑼灣出席小兒濕疹藥膏代言活動,穿上兩吋厚高踭鞋的她,透露預產期將至,屆時會選擇順產,她笑說:「希望佢(BB)快啲出嚟,因為開始重,醫生話佢已經有5磅幾,我自己就重咗20幾磅,有啲水腫。」她指這一胎的口味有轉變,喜歡吃熟食壽司和牛肉。問到BB的性別,杏兒依然保持神秘,「等你哋估下,因為未到最後一刻都唔知。」

提到去年除夕,杏兒出席活動時曾透露會在農曆新年前停工,不過她依舊接job,不停賺錢,年三十晚更撇低家人北上參與大陸央視春晚一個短劇,杏兒表示:「春晚之後就冇喇,跟住喺屋企湊仔,然後就今日呢個活動。」有否接定產後的工作繼續密密賺?杏兒即說:「未接住,生完先,等我到時靚返先,收下身先,起碼坐月一個月啦!」

對於有報道指她在大陸三個月已賺了300萬人民幣收入,杏兒聞言笑笑口謂:「我要返去計下數先。」密密賺錢是為了3位小朋友的將來?杏兒說:「係其中一個原因,做媽媽就冇辦法㗎喇,成日周圍走去做嘢,短時間賺多啲錢,就可以多啲時間陪小朋友。」

談及曾志偉回歸無綫出任高層,杏兒表示如有合適工作都會接,指無綫始終是她的娘家。提到價錢不及大陸,她笑說:「對娘家又唔可以講錢,最緊要開心,有啱嘅劇本,適合自己嘅角色。」她又指日前返無綫純粹是探班,「因為胡定欣要返大陸做嘢,到佢返嚟,我BB都出咗世,所以我去探佢班。」

挺着大肚的杏兒原來在公餘時間,與正在陀第一胎的沈卓盈見面,2位孕婦齊齊摸肚影相,而杏兒的大仔李奕霆(Brendan)更充當小小攝影師,為媽咪及卓盈姨姨影相。沈卓盈今日在社交網貼相並指自己去搵杏兒偷師,本來應該帶定紙筆去上堂,卻被杏兒的2位兒子電到甚麼都忘了。杏兒留言叫沈卓盈將來無論有甚麼都可以隨時問,陳自瑤則留言大讚2位都是超級靚媽。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner