ERROR三缺一出記招 阿Dee捧隊友黑白照:代表舊嘅保錡已死

更新時間 (HKT): 2021.03.02 19:48

ERROR成員保錡日前在IG宣佈「自雪」,ERROR今日三缺一現身ViuTV音樂頒獎禮記者會,成員肥仔、阿Dee及193展示有保錡黑白相的電話合照,其中193更拎着一張保錡和八両金的合併相片,肥仔解釋此舉象徵保錡的精神長存,因為ERROR是四位一體,他們又否認保錡是退團,只是暫時休息,唞足精神便會再重新出發見觀眾。他們同時指尊重保錡的決定,阿Dee續說:「黑白相係代表舊嘅保錡已死,新嘅保錡將會返嚟。」

193透露保錡自今次事件後,經常跟他們道歉,問到保錡目前情緒如何?193說:「已經平服咗好多,之前喺旺角彌敦道拍MV時,保錡成日覺得途人望住佢,同埋好憎佢,佢係好似有啲精神病,大家只能勸佢唔好望其他人,放鬆自己。」他們相信保錡經歷今次事件後會生性,同時見到他的聲明也覺得他經已有成長,因為以往的他根本不會這樣做。問到有沒有工作因保錡關係而被影響及取消?他們說:「冇特別影響,其實就算有我哋都唔知,不過keep住有工作同節目做,又有廣告。」他們又搞笑呼籲客戶在這段時間可以盡情找他們工作,事關可以分少一份。「希望大家可以搵我哋拍多啲廣告,因為而家可以分多少少錢。」

在今日公佈的候選名單中,阿Dee有份入圍「唱作人」獎,他自爆若果能夠得獎,經理人花姐承諾會着低胸晚裝現身頒獎禮,肥仔笑說:「姜濤攞獎冇嘢睇,阿Dee攞獎就有花姐睇,大家投票支持吓阿Dee。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner