張繼聰扮木村惹網民反感 高EQ回應:只係做自己選擇喜歡嘅生活

更新時間 (HKT): 2021.03.03 17:42

張繼聰因為被寶貝女張靖(Kaka Ball)嫌棄鬍鬚好「拮」而唔畀錫,結果阿聰完成晒工作之後,第一時間走去剃鬚,可惜依然被寶貝女嫌棄「冇鬍鬚好核突」,雖然前世情人唔識欣賞,但反而有不少網民讚阿聰而家個樣激似日本萬人迷木村拓哉,連商台DJ當奴和傅珮嘉都有呢個感覺,網民仲封阿聰為「木村繼聰」!

難得大家都講得開心,「木村繼聰」亦樂此不疲地玩埋一份,昨日阿聰在社交平台貼了一張自拍相,本來只是分享泊到一個近lift口附近的車位,於是自拍一張得戚樣以示感激,不過竟然有網民留言直斥阿聰:「唔知你係真傻定假痴,定係真係好鍾意木村,定可能你做自己唔係『參考』木村,真心對你越嚟越反感!」

其後阿聰回覆稱感謝對方的坦白,並說:「我係好鍾意木村,不過亦都係做緊自己,你覺得我做啲咩令你反感?其實就算我係點,都會有人喜歡或者唔喜歡。選擇過自己喜歡嘅生活,做一個喜歡嘅自己。喺自己嘅Page分享吓生活,好閒啫。好多人覺得我係點都好,我都人到中年咯,唔理㗎啦!」有不少網民留言撐阿聰,有人讚他高EQ,亦有人笑說:「佢嘅反感證明咗你真係太似木村!」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner