林鍾一戰正式開打 鍾培生周五淺水灣豪宅開記招交代賽事

更新時間 (HKT): 2021.03.03 14:53

網民等到頸都長的「百萬林鍾一戰」,賽期終於有眉目。今日鍾培生在IG貼出一份中文合同,附有甲、乙、丙方的簽名,他留言說:「呢度係香港,講廣東話寫中文,3月5日星期五下午3點記者會。」再hashtag#培生擂台#替天行道。而林作亦share鍾培生的post,留言說:「林作,真男人。約已簽,大家睇死我?我就打俾你睇。」正式宣佈開打。

鍾培生今日回覆《蘋果》表示雙方已簽生死約,問可有信心勝出?他說:「我哋預計打四個回合,我只係諗可以打幾多個回合,因為唔想太快打死佢,只想打殘佢、 羞辱佢。(打死無怨?)係。」他透露上周已開始練拳,預計9月正式開戰,而後日二人見面會否先鬧嘴?他說:「佢唔講廢話就無乜火花,但如果佢亂說話唔排除鬧佢,但最重要都係擂台上決鬥。」至於合約是否來回多次才傾成功,他指一切交由律師處理。

林作今日回覆《蘋果》時,亦承認已簽「生死狀」,丙方簽署正是他的簽名,意味這場大戰正式由口水之爭變擂台之戰,戰火一觸即發。傳媒今日亦陸續收到鍾培生的新聞稿,記者會的地點正是鍾位於淺水灣南灣道的大宅。新聞稿指記者會當日將會公佈拳賽進度及細節,當中包括拳擊賽事合約擇要;鍾培生與林作發言及二人接受傳媒訪問等,而鍾培生的YouTube頻道會員可以觀看當日記者會直播。由於記者會只提供給會員觀看,有網民再次質疑林鍾之戰其實一開始就是一場戲,純粹互相宣傳引人入局做會員。

林作:真打真打真打

對於網民以「陰謀論」指林作和鍾培生夾計做「大龍鳳」,林作今日回覆《蘋果》時,難得和鍾培生口徑一致:「其實呢個公佈合約嘅活動,主辦方係鍾生同佢團隊負責嘅,我只係負責打啫,所以呢方面我係冇咩話事權,但呢件事係真打,真打,真打!」林作指「生死狀」中,條款入面有提到打死字眼,打死冇命賠冇得追究。他又指自己已過阿媽一關,更已買定保險,又加大咗一倍保額,其中一份受益人是女友裕美。

當初林作因為一句「抄我100萬?」,向鍾培生挑機,揭開這場「百萬林鍾一戰」的序幕。二世祖決戰原本令花生指數急升,網民更紛紛開出賠率,但近一個月來,林鍾在網上展開N場口水戰卻未有真正對打,網民已有不耐煩聲音,花生價格指數亦逐漸回落,如今終於開記者會交代詳情,相信再次燃起網民的激情。

為增加追看性,鍾培生昨晚在自己的YouTube頻道,詳細交代點解要同林作打擂台,直斥林作多次消費自己及侮辱身邊女性,純粹靠前度麥明詩上位,他更爆粗鬧對方是「a piece of shxt」。由於多次被網民質疑二人「打假拳」,鍾培生在影片中強調:「你哋當乜都假都好,但有一樣嘢一定係真嘅,就係我鍾培生將會攞100萬出嚟揼x林作呢條仆街!」

----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner