TVB黃金盛女丨龔嘉欣疫下包員工食住 高海寧爆遭導演狠批:呢世唔會做到主角

更新時間 (HKT): 2021.03.03 15:28

TVB黃金盛女龔嘉欣及高海寧,一個為事業放棄做大馬少奶奶、一個癡心錯配,現時回復單身,努力為事業打拚,近日她們分別上麥玲玲及Bob主持的《師父有請》,龔嘉欣以小家碧玉形象出道,現時已搖身一變,成為飲食界女強人,早前跟拍檔衝出香港,到馬來西亞開設火鍋店,近年受疫情影響,店舖暫時停業,她在節目稱當地封城難做生意,不過龔嘉欣卻是好老闆,不單止沒遣散當地員工,這段時間照樣包食包住,與同事共渡時艱。

龔嘉欣亦相當有生意頭腦,計劃在大馬開食店時,曾考慮開冰室,經思前想後,最終決定開利潤較高的火鍋店,「我係鍾意落手落腳做,同埋鍾意打邊爐,好實際係講錢,萬一個廚師走咗,都得!因為全部賣新鮮食材,現成嘅喺晒度,利潤真係幾可觀。主要係整湯底,我個拍檔好好,因為佢咩都唔理,最緊要大家唔係太熟,有啲距離,同埋男仔講嘢比較率直,我係大股東,同埋馬來西亞人好鍾意香港食物,物價又平,當然嗰邊而家都仲崇尚明星效應」。剛開業不久就遇上疫情,由於龔嘉欣開的店舖位置並非旺區,難以做外賣生意。

而另一黃金盛女高海寧在TVB捱足12年,總算上位做女主角,她當年經常做「花瓶」晒魔鬼34D身材,同時受負面新聞困擾,一度壓力爆煲,看似性格開朗愛笑的高海寧,曾患抑鬱症,萌生退出娛圈的念頭。

近日高海寧、李佳芯及張曦雯上節目,高海寧抱怨當年被一位導演潑冷水,「你呢世唔會做到主角,我心諗你有冇諗過我感受」,被追問這一位導演是否仍在這行發展,她「耍大極」稱不記得對方是誰。而貴為視后級的李佳芯,近年發展不俗,早前慘遭玻璃心攻擊,現時在融雪階段,李佳芯性格樂天,受訪時稱「鮮花係需要綠葉襯托」,所以她並不介意做綠葉。笑言「如果有機會做花嘅,有邊個會唔想」。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner