莊韻澄臨盆在即心情緊張 為金錢糾紛上庭頻頻上廁所超尷尬

更新時間 (HKT): 2021.03.03 13:13

莊韻澄(前名莊端兒)為海鮮店代言被拖數,入稟小額錢債審裁處追討,兩周前於西九龍法院提訊,最後雙方達成和解協議,而和解內容則保密。

原以為案件已結束,但莊韻澄今日又挺着8個多月巨肚現身西九龍法院,她接受《蘋果》訪問,解釋上庭原因,「因為上次我要申索我嘅酬金,對方重新開過一個case去反申索,我哋上次口頭話和解,但係未處理好,上次嘅法官就將呢兩單案件合拼咗,可惜對方唔知點解又未取消啦!導致到我打電話去(問),話record喺度都仲要上庭喎,所以今朝一早又要走過嚟上庭。」

她表示上月底已經追問過對方有關後續的處理問題,因為要約見面簽文件作實,對方回覆因事忙,需要去到本周或月底才處理,「好可惜對方今日又冇取消呢一庭,又要一早去,但原來對方又冇嚟到,又放咗飛機,我都覺得好無奈。咩事都可以解決,睇對方係咪有誠意繼續去和解,我都會再問,但覺得追嚟追去好煩,唔想日日追,諗住隔一個禮拜再問,睇吓想繼續和解,定案件繼續落去,順其自然,我都傾向和平解決唔使咁煩。」

問到臨盆在即心情?她笑說:「期待,有啲緊張,噚日覆完診,BB六磅幾,希望BB健健康康。今日撲個空,其實個肚都唔係好舒服,都已經咁大個,又要成日上廁所,喺法庭上咗3、4次都有啲尷尬,希望快啲解決,生個健康BB。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner