林作借陳積榮患肺癌sell保險 一口拒絕孫慧雪捐「出場費」建議

更新時間 (HKT): 2021.03.04 21:24

前TVB藝員陳積榮(Jeff)去年拍片公開自己患上第四期肺癌,由於接受治療需要龐大醫藥費,他的好友孫慧雪(阿雪)日前在FB中出post,呼籲大家捐錢幫助Jeff,獲得不少網民捐助。其後林作卻在網上借Jeff患癌一事叫人買保險,再被網民指抽水;已簽「生死狀」與林作打擂台的死敵鍾培生,更鬧爆林作PK叫收手,狠斥做法是「垃圾行為」。

林作昨日轉貼阿雪的呼籲post並留言指這只是冰山一角的事情,更反問「你有懂得任何一個可以借錢或者可以幫你眾籌的朋友嗎?如有,請你問問他可以保證幫你籌幾多?」林作出post後,鍾培生即指林作「真係正PK」,更謂他應「認真地停止這些垃圾行為」。至於為Jeff眾籌的阿雪,則感謝林作與鍾培生有關注事件,更希望兩人考慮「將打擂台嘅錢捐畀Jeff或幫助更多有需要嘅人身上!」

林作:縱容人有事就眾籌

對於阿雪的建議,林作今日回覆《蘋果》時拒絕捐出拳賽錢,他指由始至終那100萬是用於招募團隊新血,形容目的是「培養香港未來保險業棟樑」,他說:「你講到好似係『私己之利』,呢個當然係對我有好處,但我入保險業,第一日就已經講係要令呢行更加好。」

林作又指希望能在保險界訓練出人材,改善大眾對保險的誤解,包括鍾培生。林作忽然大愛地指自己的行為可以改變世界:「呢個先係真正全面地幫呢個世界改變,等同你經濟援助非洲國家,係害死嗰啲國家嘅,做慈善幫貧困人士係害咗人哋,因為你要做嘅係長遠地幫呢啲國家、幫呢啲人民有賺錢能力,真正有自力更新機會。唔係喺呢度捐吓錢、嗰度眾籌吓,呢啲可以長遠改變到幾多人?甚至乎縱容啲人有乜事就出嚟眾籌,咁樣邊度係解決問題嘅最好方法呢?」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner