劉錫賢為亡母設靈 感激導演翁子光雪中送炭

更新時間 (HKT): 2021.03.04 18:58
劉錫賢今日為亡母設靈。

劉錫賢的母親劉鄧慕貞上月病逝,享年87歲,今日在世界殯儀館設靈,明天舉殯。劉錫賢與家人今日下午4時已在靈堂打點,不少圈中藝人送上花牌慰問,包括亞洲電視、葉家寶、胡楓、江美儀、姜皓文夫婦、苑瓊丹、翁子光夫婦,還有他演藝學院戲劇學院第一屆同學黃秋生、張達明等。

劉錫賢表示,一直想低調處理媽咪喪禮,心情已經好轉,他說:「去年疫情下,媽咪已經唔係好郁得,聖誕節仲因為急病入院,經過醫生搶救以為冇事,喺深切治療部轉返去普通病房,諗住年三十晚都大步檻過,點知大年初一凌晨就收到電話通知,正式嚟講係見唔到媽咪最後一面。自己對兩老都有遺憾,爸爸離開嘅時候喺老人院,都係走咗先獲通知,媽咪出殯後火化,會同爹哋葬埋一齊。」

早前曾出現經濟問題的劉錫賢表示,現在經濟仍未脫離困境,他說:「原先安排咗去惠州做一個酒店成立嘅紀念活動,撞啱媽媽走咗,好彩老闆體諒,遷就我將活動延遲1個月,而家會喺4月1號出發,上去隔離21日,會盡量爭取工作機會搵錢,好感激翁子光導演,佢完全唔識我,之前都揾我拍戲,今日亦有送上花牌。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner