伍仲衡下月舉行音樂會 計劃向已故音樂人唐奕聰致敬

更新時間 (HKT): 2021.03.04 16:38
伍仲衡下月開騷。

音樂人伍仲衡(Harry)將於3月27日及28日假麥花臣場館舉行兩場「搞乜花臣音樂會」,Harry今日在觀塘舉行記者會,宣佈兩場門票全部售罄,因為疫情影響,只能開放一半座位入座,同時因應不能回港欣賞演唱會的海外fans要求,決定將演唱會於網上同步直播,網上直播將會收取180元費用。

由於疫情令演唱會入座觀眾減少一半,Harry希望政府能夠放寬至入座率達7成半,令老闆可以蝕少一些。Harry指網上直播收費是可以幫補收入,但與正式門票始終有距離。演唱會有20名歌手演出,包括黎瑞恩、阮兆祥、羅敏莊、何嘉莉、王馨平、江伊晴、小肥、石詠莉、布志綸、J.Arie、海浚傑、湯寶如、黃劍文、黃翊、區永權、韋綺珊、何婉盈、彭家麗及羅凱玲,Harry指兩場嘉賓有少許分別,另外亦會安排神秘嘉賓。

此外,伍仲衡與剛離世的太極樂隊成員唐奕聰(Gary)甚有淵源,Harry說:「我第一首作嘅歌陳曉東《愛你躲你》就係Gary幫我編曲,Gary做監製嘅時候都有搵我編曲作曲,2月頭佢都有短訊恭喜我,叫我加油。」Harry指布志綸日前通知他Gary離世消息,他甚為震驚。伍仲衡大讚Gary是個大好人,做事亦相當有責任感,他說:「佢曾經一次叫我頂替佢做周慧敏音樂會,佢上嚟我工作室,話俾我聽每一首歌要留意嘅細節,佢好肯同人分享,我上個月先同佢見面,呢幾日寫歌都有諗起佢,想喺音樂會向佢致敬,要同導演商量吓。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner