劉錫賢丁母憂

更新時間 (HKT): 2021.03.05 02:00
■劉錫賢昨日為母親設靈,坦言遺憾沒能見母親最後一面。

劉錫賢的母親劉鄧慕貞上月病逝,享年87歲,昨日在世界殯儀館設靈,今日舉殯。不少圈中藝人包括黃秋生、胡楓、翁子光及姜皓文夫婦等送上花牌慰問。劉錫賢表示去年聖誕節媽咪急病入院:「經過醫生搶救以為冇事,喺深切治療部轉返去普通病房,諗住年三十晚都大步檻過,點知大年初一凌晨就收到電話通知,正式嚟講係見唔到媽咪最後一面,自己對兩老都有遺憾,爸爸離開嘅時候喺老人院,都係走咗先收通知。」

早前表示出現經濟問題的劉錫賢,透露現在經濟仍未脫離困境,他說:「原先安排咗去惠州做一個酒店成立紀念活動,撞啱媽咪走咗,好彩老闆體諒,遷就我將活動延遲一個月。感激翁子光導演,佢完全唔識我,之前都搵我拍戲,今日亦有送上花牌。」

娛聞樂陪你走遍全球追星,即Like「娛果」FB 專頁!
BannerBanner