唐奕聰猝逝丨麥家瑜與恩師情同家人一提即喊 李忠希由細到大冇見過Gary發脾氣

更新時間 (HKT): 2021.03.05 23:22

太極樂隊成員唐奕聰(Gary Tong),本月2日疑因心臟病發猝逝,終年57歲。今日Gary的表弟李忠希、由他一手帶入行的麥家瑜,到將軍澳錄影懷念Gary的音樂節目。

麥家瑜在接受訪問時,甫提到恩師Gary就已忍不住喊,她激動地說:「冇Gary哥哥我根本就唔會返嚟香港唱歌,所以仲未接受到,一講起我就好唔開心。」麥家瑜又回憶當初來港發展時會經常與Gary見面:「喺音樂上佢教我好多嘢,同埋啱啱返香港,佢喺生活上都好take care我,咁多年我同佢嘅習慣都冇變,同佢工作完或者食完飯,佢會話『你返到屋企畀個電話我,或message我同我太太報個平安』,我哋個關係就好似家人咁,到而家都冇變,依然保持住家人嘅感情。」

問到麥家瑜事前可有聽過Gary說不舒服,她指因在娛樂圈工作會日夜顛倒,以及經常需要捱更抵夜,故經常會聽到Gary表示覺得攰:「但我知道佢近年都好健康,啱啱先約我一齊踩單車,不過就冇咗呢個機會,估唔到……」

至於李忠希則指自己與Gary近年比較少見面,亦沒有聽過對方說唔舒服:「佢同我哥哥好好朋友,成日都會聯絡,哥哥同我講Gary約咗佢下星期喺大埔踩單車,而家做唔到。」李忠希又謂知道Gary近年已戒煙、做運動,加上又有信仰,生活過得很健康,故很難接受對方突然離世消息:「佢係一個好忠於音樂嘅人,基本上同佢傾偈嘅話題都不離開音樂,所有嘢都係講緊音樂。佢係一個好樂天、好友善嘅人,我都冇見過佢發脾氣,無論遇到咩事都好,佢都好樂天去面對,呢樣嘢好佩服。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner