唐奕聰猝逝丨鄧建明讚Gary是堅強鬥士 雷有暉:佢仍然喺度

更新時間 (HKT): 2021.03.05 23:49
鄧建明指Gary在2018年後已開始做運動鍛鍊身體。

現年57歲的太極樂隊成員唐奕聰(Gary Tong),本月2日疑因心臟病發猝逝,今日Gary一班生前好友如太極樂隊成員、單立文、黃丹儀等,到將軍澳錄影懷念Gary的音樂節目。

鄧建明(Joey)透露會在節目中懷緬過去30多年間Gary帶給他們甚麼,他大讚對方是一個很堅強的鬥士,又直言到現時仍未能接受Gary離世的消息。盛旦華(蛇仔)指2018年Gary因呼吸不順而要入院,當時經診斷後也指Gary的心臟較弱,Joey則謂在那時開始,Gary已開始鍛煉身體:「我試過見過佢喺跑步機,我自己做完運動坐緊佢都仲跑緊,我覺得佢想鍛煉好自己身體。」蛇仔透露上次與Gary見面是在林建名博士的追思會上,眼見Gary當時並無異樣,至於劉賢德(HiFi德)則謂過年時與Gary通過電話,沒想到已是兩人的最後對話:「過年嗰陣搵我,話畀我聽而家好想聽番黑膠唱片,唱盤擺咗喺度好耐,郁得唔係好好,咁我就話畀佢知遲啲幫佢整。」蛇仔指現時腦海裏全是Gary彈奏過的琴聲,故到現時仍未接受對方已離世。

雷有輝則指Gary雖然已離世,但他的笑聲、樂觀的態度及靈魂等,都會留在每個人的心裏:「呢樣嘢係最緊要,希望大家都繼續同佢靈魂有連繫,唔需要咁唔開心,因為佢都係一個好樂觀嘅人,佢都唔想我哋咁樣。佢仍然喺度,只不過唔用佢嘅肉身,佢係用緊意念或腦電波同我哋去溝通,我哋都要去接受呢樣嘢,同佢多啲連繫。」

問到之後是否會為Gary搞其他的懷念節目或演唱會,蛇仔指暫時未想,因為各人心情仍未平伏:「暫時悼念都以自己為主,可能佢(Gary)會畀到靈感我哋,遲啲再睇。」至於Gary的身後事會由家人安排,Joey說:「我哋會負責紀念冊或者需要搵咩人,今晚我哋都會開會,統籌晒所有嘢就交返畀佢哋(屋企人),好多導演、監製同音響公司都主動話要幫手,已經有人幫我哋處理緊啲video。」

對於Gary的安息禮何時舉行,雷有輝就表示仍然未定日期,但他亦透露下午有跟唐太聯絡,表示今晚會進行錄影,看她是否有說話想跟大家講,但對方就表示所有說話想待安息禮中才說。對於太極演唱會之前因疫情而煞停,雖然Gary已離世,但他們就表明會「Show must go no」。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner