江嘉敏被插是雙面人 前粉絲公開對話截圖:當Fans如下人

更新時間 (HKT): 2021.03.06 17:29

江嘉敏向來是非多多,雖然有電競公司高層男友Anthony,但仍被指喜歡收兵,獲封新一代姣精。去年遭男友老死X先生踢爆獅子開大口叫人送「小禮物」,早前又被指開網站疑賣贈品扮環保。昨日江嘉敏又遭一名自稱是她的前粉絲在連登出post數臭,指「入咗Fansclub先知江嘉敏係有幾黑暗」,力數她的不是。

這位前粉絲的文章一開始便叫江嘉敏「檢討下」,指她初出道時原本有一班支持者,但近幾年大量流失,還說她最大問題是「從來唔覺得自己有問題」,經常將責任推向別人,還機關槍式力數江嘉敏EQ低、寸寸貢、貪心、高竇、態度差、喜歡𢯎sponsor攞着數等等,並將曾與江嘉敏因富貴船P搞到反面的馮盈盈(FFY)一齊比較,指FFY一開始被人鬧是粗口港姐,但現在已發展得比她更好。

公開對話截圖

讓前粉絲感到最激氣,是江嘉敏當Fans如下人,還上載3張疑似是江嘉敏叫粉絲幫忙買台灣手信去機場的對話截圖。疑似江嘉敏一口氣叫粉絲買兩打不同款色的三文治,但航班提早卻沒有預先通知,最後要對方坐的士趕赴機場,「幫佢買完又唔講幾時交收,雖然都係食物,唔係啲咩貴價嘢,但呢個係基本禮貌」。又指她試過一齊gathering,但完全沒有幫手set場,走時沒有講byebye;送給粉絲的英國手信,原來已擺了一年,還要找Fans Club其他人代為分派,而不是親手送!

另一名網民加入戰圈,暗示江嘉敏是雙面人,「早兩年賣衫,佢試過𢯎sponsor,呢頭同你笑晒口,轉頭就同第二個講是講非,多多意見!」前粉絲還上載一張對話截圖,指江嘉敏的粉絲代表在group問「有冇人做氣球生意」,大家都沒有回應,但到江嘉敏和男友生日,會場都恰巧地放滿氣球佈置,疑似成功「攞着數」。

江嘉敏:太多打手

江嘉敏今日回覆傳媒未有逐點反擊,只說:「唔係真嘅嘢唔會回應,我相信我啲fans唔會咁講嘢,最近太多假ac同打手,所以我都del(刪除)咗同block咗幾千個假ac(IG)。」追問台灣買手信的截圖是否真確?江嘉敏則未有再回覆。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner